فالفترة الممتدة ما بين 25 ماي حتى ل6 يونيو 2021، عرف المغرب ارتفاع صغير فعدد الإصابات والوفيات،، اللي مازال كتجي فيهم جهة كازا فالمقدمة، بينما تسجل انخفاض فعدد المصابين فأقسام الإنعاش أما بخصوص المنحى الوبائي الأسبوعي، قال عبد الكريم مزيان بلفقيه، رئيس قسم الأمراض السارية فوزارة الصحة، أننا سجلنا زيادة ب11,2 فالمية هذ السيمانة بالمقارنة مع السيمانة لي فاتت، بحيث سجلنا هذ الأسبوع 2318 إصابة. وبالنسبة لمنحى الوفيات النصف شهري، فسجلنا ارتفاع طفيف بالمقارنة بنصف الشهر اللي فات، بحيث سجلنا 56 وفاة هذ المرة، بينما كنا سجلنا قبل 50 وبخصوص عدد الوفيات حسب الجهات، كتجي جهة كازا سطات فالمقدمة ب20 وفاة، بعدها طنجةتطوان ب6 وفيات، وسوس ماسة ومراكش آسفي ودرعة تافيلالت فاسمكناس ب2 لكل وحدة، وحالة وفاة واحدة فالرباط سلا. أما بالنسبة لإيجابية التحاليل، فكازا فهذ السيمانة اللخرة كتجي فالرتبة الأولى ب8,29 فالمية ديال الإيجابية، كتجي بعدها جهة سوس ماسة ب7,30، ثم جهة طنجةتطوانالحسيمة ب6,12.. وتسجل انخفاض فعدد المرضى اللي كاينين فأقسام الإنعاش، بحيث فالسيمانة اللخرة، هبطنا من 208 حالة 186 حالة، بينما تحدد عدد الناس اللي كيديرو التنفس الاصطناعي الاختراقي ف8 مصابين. وبالنسبة لترتيب المغرب عالميا، أكدات وزارة الصحة فنشرتها أن المغرب نزل جوج مراكز فعدد الوفيات، وصبح كيحتل المركز 46، بينما نزل بمركز فعدد الكشوفات، وولا فالرتبة 49، أما فعدد الحالات فبقى المركز ديالو ف43 حالة. أما على المستوى الإفريقي فترتيب المغرب ماتغيرش كَاع، بحيث بقى فالمركز 2 فالإصابات والكشفات، والمركز 4 فالوفيات.
