كورونا اليوم: تلقحو كثر من 41 ألف بالجرعة الثانية و4 ماتو

فالحصيلة اليومية لفيروس كورونا المستجد اللي علنات عليها وزارة الصحة اليوم الأربعاء 30 يونيو، ففهذ 24 ساعة الأخيرة تقاسو 776، وماتو 4، وفالمجموع 4489 كيتعالجو، وكثر من 120 ألف خداو الجرعة الأولى.
التلقيح:
تلقحو 6791 بالجرعة الأولى، ووصلو فالمجموع ل9993673، وتلقحو بالجرعة الثانية 41908، ووصلو فالمجموع ل9116132.
الإصابات:
تقاسو اليوم 776 واحد من أصل 16397 واحد دار التحليلة، ووصل عدد المصابين فالمجموع ل531361.
ومؤشر الإصابة التراكمي وصل ل1460,4 لكل 100 ألف نسمة، بمعدل 2,1 لكل 100 ألف نسمة فهذ 24 ساعة.
حالات الشفاء:
تشافاو اليوم 517، ووصل الإجمالي ل517576، بنسبة تعافي ديال 97,4 فالمية.
الوفيات:
واليوم ماتو 4، 2 فكازا و1 فكل من الرباط وتنغير، ووصل هكذا عدد الوفيات ل9296، بنسبة فتك 1,7 فالمية.
الحالات النشيطة والحرجة:
عدد الحالات النشيطة طلع ل4489، وعدد الحالات الحرجة وصل ل241، 34 تدهورات غير اليوم، و10 تحت التنفس الاختراقي، أما نسبة ملء أسرة الإنعاش فبلغات ل7,6 فالمية.