جوج ماتو وبزاف تجرحو ف كسيدة وقعات بين جوج ترانات ف التشيك – تصاور وفيديو

تقتلو جوج أشخاص وتقاسو العشرات، ف كسيدة خايبة وقعات بين جوج ترانات تصاطحو مع بعضياتهم ف ڤيلاج ميلاڤتشي (Milavce) غرب جمهورية التشيك، اليوم الأربعاء.
وقالو البوليس التشيكي على "تويتر": "كانأكدو أن جوج ديال الناس ماتو فهاد الكسيدة".
وزادو: "مزال كانجبدو الركاب، والعشرات منهم تصابو بجروح".
وكشفات شركة "سكك حديد التشيك" أن الكسيدة وقعات بين جوج ترانات، واحد فيهم دولي فائق السرعة، كايربط بين مدينة بيلزن التشيكية الغربية بمدينة ميونيخ الألمانية، وتران ثاني محلي.
وقالت وكالة الأنباء المحلية أن 50 واحد ممكن يكونو تجرحو، كيف ما قالو ليها رجال الإطفاء اللي متواجدين فعين المكان.
وفشهر يوليوز 2020، كانو ماتو3 وتصابو 10، فكسيدة سابقة ديال التران فالتشيك.
#Czech ???????? :Two people died in a train collision near Domažlice, seven are in critical condition, 31 are out of danger. pic.twitter.com/EBG3jvQXpD
— Wolverɨɴe Updates???? (@W0lverineupdate) August 4, 2021