شباط باغي يعاود يلمع صورتو ف فاس.. هاشنو كايوجد باش يحاول يربح ف الانتخابات الجماعية وبداها من اللوائح

حميد شباط العمدة السابق لمدينة فاس باغي يلمع الصورة ديالو مع ناس فاس. لكن هاد الصورة، حسب متتبعين للشأن المحلي، تدمرات هادي سنوات وصعب بزاف فاسة يرجعو يتيقو فواحد بحال شباط. الشعب رجع واعي وعرف الرجل مزيان و جربو.
مصادر مقربة من شباط أكدت ل"كَود" أن هذا الأخير هو من تكلف بإعداد اللوائح الانتخابية بإسم حزب "الزيتونة" بمدينة فاس، وعمل خلال الساعات الماضية على تغيير عدد من الوجوه المقربة منه لأسباب هو يعرفها جيدا.
ووفق المعلومات التي حصلت عليها "كَود"، فإن شباط قرر هاد المرة يجيب ناس عمرها خدمات معاه مللي كان عمدة. جاب أشخاص عندهم علاقات مزيانة مع كولشي. عوال على وكلاء اللوائح اللي دار باش يقنعو الناخبين أنه حان الوقت باش يرجع شباط للعمودية. السيد باغي يلمّع الصورة ديالو بأي طريقة كانت.
وذكرت المصادر أن لوائح حزب جبهة القوى الديمقراطية بفاس تحمل عدد من المفاجئات. حميد شباط قرر هاد المرة يبدل الخطة ديالو ومشا حط محامين وموثقين ودار راسو كما كان متوقع وكيلا للائحة مقاطعة زواغة التي كانت تعتبر معقله الانتخابي.
"كَود" غادي ترجع للموضوع بأسماء المرشحين اللي دارهوم شباط وبغا يتخبع موراهوم باش يفوز، كيف قالو بعض المتتبعين.