كيفاش هاديك ليلى أوعشي بغات تتحكم فوكالة الجنوب باش تبقى تدعم مهرجانات خاوية فالصحرا ؟

علمت "كَود" من مصادرها، أن محسوبين على ليلى أوعشي، المشهورة بتنظيم مهرجانات خاوية فالداخلة، بغاو يدخلو لوكالة الجنوب لجلب الدعم المادي للتظاهرات اللي كتنظمهم فالداخلة، واللي ساخطة عليهم الساكنة.
وأضافت المصادر، بأن تنسيق يجري بين وكالة الجنوب وبعض الشركات الخاصة بالإتصال المحسوبة على ليلي أوعشي، باش تجلب الدعم لأي تظاهرة أو الإنخراط فتظاهرات خاوية المحتوى بكل من الداخلة والعيون، وكتلعب على حبل قضية الصحرا باش يربحو على حساب الدولة.
وأشارت المصادر، بأن هذه الفضايح كتجري بدون علم المدير العام لوكالة تنمية الأقاليم الجنوبية، جبران الركلاوي، اللي معظم وقتو كيدوزو فكازا والرباط بلا مهمة عمل، حيث يقوم أحد الموظفين ديالو بعملية التنسيق مع ولد مدينتو، حسب ما صرحت به المصادر.
واسترسلت ذات المصادر، بأن خطورة الوضع تتجلى بقيام وكالة الجنوب بتوفير رحلات استجمام تتضمن تذكرة الطائرة من صنف الدرجة الأولى والفنادق والأكل والشرب على حساب ميزانية الوكالة (الدولة)، للمحسوب على ليلى أوعشي واللي كانت آخرها بالداخلة والكَركَرات.
واش بهادشي غادي نديرو الثقة فالمؤسسات ديالنا؟ وعلاش فلوس الدولة كياكولهم زعطوط؟ وواش الداخلية فعهد الحكومة الجديدة غادي تدخل وتسالي مع هاد المهزلة اللي خلات سكان الصحرا ساخطين ؟؟؟