الناصري رئيس العصبة والعضو الجامعي ل"كود": ما كايناش شي شفافية وحكامة بحال جامعة الكورة

استغرب سعيد الناصري العضو الجامعي ورئيس العصبة الاحترافية لكرة القدم الهجوم "غير المبرر" على الجامعة الملكية المغربية لكرة القدم وعلى المنتخب المغربي لكرة القدم. الناصري قال ل"كود" ان الجامعة كانت اول من دخل عالم الشفافية وتخليق التدبير الرياضي.
وطالب الناصري فتصريح ل"كود" ان يتم اعتماد طريقة تدبير الجامعة الملكية لكرة القدم فباقي الجامعات الرياضية موضحا انو منذ وصول الرئيس فوزي لقجع تم التعاقد مع شركة دولية فتدقيق الحسابات وهي "كا بي ام جي" اللي هي اللي كدير الحسابات للفيفا.
الناصري اكد فتصريحو ل"كود" ان الجامعة الملكية لكرة القدم كما قدم خلال اخر جمع عام لها كلشي عندها واضح. هاد الوضوح٬ يضيف الناصري ل"كود"٬ كيبان فتوزيع 40 مليار على الفراقي فيها 600 مليون لكل فرقة فالنخبة و300 مليون لكل فرقة فالدوزيام ديفيزيون و120 مليون لقسم الهواة بالاضافة الى دعم العصب والتكلف بمصاريف الحكام واداء رواتب جوج من موظفي اكاديميات العصب
الناصري اللي عندو كاسكيطة رئاسة الوداد البيضاوي ذكر بدعم الجامعة للاندية المغربية المشاركة فكؤوس افريقيا٬ اذ تتكفل الجامعة بمصاريف التراسبور ولوطيلات ولا شي فرقة خدات طيارة خاصة كتعطيها الجامعة 80 مليون.
الناصري عزا تطور اداء الاندية فالكؤوس الافريقية لهاد الدعم غير المسبوق. بل حتى ايلى ربحو شي كاس كتوصل تحفيزات الجامعة حتى ل500 مليون كيف وقع مع الوداد باش دات عصبة الابطال
وذكر العضو الجامعي فتصريحو ل"كود" بدعم الجامعة للمنتخبات بكاع الفئات وبالكورة النسوية والشاطئية وداخل القاعة
بخصوص دعم الدولة للجامعة وقف الناصري عليه وقال ل"كود" باللي هاد الدعم ما كيمثلش حتى 0.1 بالمائة من ميزانية الجامعة مشيرا ان الشركة الوطنية للاذاعة التلفزيون كيتخلص النقل التلفزي فحدود 11 مليار وهاد الشي كيتوزع على الاندية ماشي كيف كيكون فمصر٬ للي الاتحاد المصري لكرة القدم كياخد 15 بالمائة.
بخصوص صالير المدرب الوطني وحيد خاليلوفيتش ذكر العضو الجامعي فتصريحو ل"كود" باللي كان كياخد فنانت 250 مليون للشهر ودابا فالمغرب فحدود 120 مليون سنتيم وباللي من اهدافو من الاضافة الى نتيجة مزيانة فكوب دافريك٬ يدخل للتاريخ بتأهيل 4 منتخبات الى المونديال =دابا اهل الجزائر واليابان والكوت ديفوار= وذكر باللي كيروش ديال مصر كياخد 100 مليون سنتيم ولكن جايب اللي معاه كياخدو 30 مليون للصطاف ديالو
وذكر باللي صالير المدرب كيتحكم فيه العرض والطلب فمثلا مدرب الاهلي المصري الجنوب افريقي كياخد 150 مليون سنتيم فدولة قدرتها الشرائية اضعف بكثير من قدرتنا الشرائية