جبن كابرانات الجزائر. استدعاو سفيرهم فمدريد بسباب موقف الصبليون الجديد وما حلوش فمهم باش اعتارفات امريكا بمغربية الصحرا

اعلان الخارجية الجزائرية استدعاء سفيرها فمدريد للتشاور بسباب تفاجئها "بشدة من التصريحات الأخيرة للسلطات العليا الإسبانية بشأن ملف الصحراء " و"الانقلاب" المفاجئ وتحول موقف إسبانيا اتجاه القضية الصحراوية".
هاد الزعامة دارتها الجزائر غير حقاش حكومة سانشيث الاشتراكية قالت البارح باللي مشروع الحكم الذاتي جدي ومقبول وارضية بها يتلقى حل للقضية ودافعات هاد الحكومة على الوحدة الترابية للدولتين.
امريكا غير البارح اكدات دعمها لمغربية الصحراء وهاد القرار كان خداتو ادارة ترامب وما تغيرش مع ادارة بايدن. قرار واضح فيه "اعتراف بمغربية الصحراء".
هاد النهار اكدات سفيرة امريكا فمدريد انها مع مقترح الحكم الذاتي المغربي لحل قضية الصحراء. موقف غادي يكون عندو تأثير فالحياة السياسية الاسبانية.
قبلها كانت نائبة وزير الخارجية الامريكي اكد دعمو للمغرب فقضية الصحرا
دابا الجزائر باش خدا ترامب القرار ما قدوش حتى يحلو فمهم. شوفو دابا زعمو على مدريد فقضية الصحرا اللي كانو كيكذبو على العالم كولو كيقولو ما عندها علاقة بيها وماشي طرف فيها.