طارق تيسودالي: غادي نلعبو بقوة فماتش الروتور.. والجماهير المغربية مطالبة بالحضور بزاف باش تشجع المنتخب كيفما دارت الجماهير الكونگولية فكينشاسا

عبّر طارق تيسودالي، مهاجم المنتخب الوطني لكرة القدم، على السعادة ديالو بعودة العناصر الوطنية بنتيجة التعادل بهدف لمثله، من قلب العاصمة الكونكولية كينشاسا، برسم ذهاب المباراة الفاصلة المؤهلة لمونديال قطر 2022.
وقال تيسودالي فتصريح خاص للموقع الرسمي للجامعة الملكية المغربية لكرة القدم : " رجعنا بتعادل مهم واخا صعوبة الأجواء اللي كنا فيها، ماشي غير الصهد بوحدو لي خلق لينا المشاكل ولكن حتى الجماهير الكونكولية اللي حضرات باش تشجع منتخبها بقوة".
وزاد قال : " الجماهير المغربية مطالبة بالحضور بزاف باش تشجع العناصر الوطنية كيفما دارت الجماهير الكونكولية في كينشاسا، غادي نلعبو بقوة فماتش الروتور، اللي غادي يتلعب عندنا ".
وكان تيسودالي هو صاحب الهدف الوحيد للأسود ، في مباراة الذهاب اللي تلعبات بملعب الشهداء في كينشاسا نهار الجمعة، ومنح المنتخب الوطني فرصة كبيرة للتواجد في مونديال قطر.