ودع المنتخب الوطني المغربي الأولمبي لي كيدربو هشام الدميعي منافسات ألعاب التضامن الإسلامي المقامة هاذ الأيام بتركيا، بعد التعادل ديالو مع منتخب أذربيدجان بهدفين لمثلهما. وكان المنتخب الوطني المغربي قريب من الهزيمة فالمباراة لي ما تنقلاتش بشكل مباشرة على قناة الرياضية، بحيث كان المنتخب الوطني خاسر بهدف لصفر تلقاه بالدقيقة 5، قبل ما يدرك المغرب التعادل بهدف سجلو رضا سليم فالدقيقة 10، ورجع المنتخب ديال أذربيدجان وسجل الهدف الثاني فالدقيقة 47 من ضربة جزاء، وفالوقت لي كان المنتخب المغربي فالطريق ديالو للهزيمة تمكن حمزة الركراكي من الإنقاذ ديالو فاللحظات الأخيرة وسجل هدف التعادل. هاذ التعادل ماكنش كافي باش يخلي المنتخب المغربي الأولمبية يكمل المنافسة، وبالتالي ودع ألعاب التضامن الإسلامي من الدور الأول من بعدما انهزم فالجولة الأولى أمام السعودية وتعادل فالثانية مع أذربيدجان بهدفين لمثلهما.