حمد الله: الأجواء مزيانة فالمنتخب المغربي وحنا معاونين باش نشرفو البلاد وغادي نتأهلوا – فيديو

أكرد الدولي المغربي عبد الرزاق حمد الله بلي هو وصحابو فالمنتخب الوطني المغربي واجدين لكأس العالم اللي غادي يشاركو فيها فقطر، وأن ليكيب ناسيونال غادي تأهل للدور الثاني من البطولة وخا لكروب ديالها صعيب.
وكشف عبد الرزاق حمد الله فتصريح لموقع الجامعة الملكية المغربية لكرة القدم، على الأجواء داخل معسكر ليكيب ناسيونال فقطر وقال: "الأجواء داخل المنتخب الوطني المغربي مزيانة واللاعبا واجدين وغادي نتعاونو مع بعضياتنا باش نبانو بواحد الأداء يشرف بلادنا"
وبخصوص حظوظ المنتخب المغربي فالمجموعة 6 اللي فيها مع كرواتيا وبلجيكا وكندا قال حمد الله: "قادرين نتأهلوا للدور الثاني وخا الكروب اللي فيه حنا ما ساهلش ولكن اللعابا ديالنا عندهم إمكانيات كبيرة وغادي نكولو الكلمة ديالنا".