بروكرام الجولة 13 من البطولة وها مواعيد ماتشات الرجاء والوداد وقمة ليفار والماص

حددت العصبة الوطنية لكرة القدم الاحترافية مواعيد إجراء ماتشات الجولة 13 من منافسات البطولة، وسط الأسبوع المقبل، وكشفت قبل لحظات على تواريخ انطلاق المباريات.
وغادي يفتتح الرجاء الرياضي والضيف ديالو مولودية وجدة ليماتش ديال الجولة 13، بالمواجهة اللي غادي تجمعهم الثلاثاء المقبل 17 يناير فتيران المركب الرياضي محمد الخامس فكازا ابتداء من الساعة 6 وربع ديال لعشية.
وغيلعب فريق الجيش الملكي المتصدر أمام المغرب الفاسي فماتش كلاسيكي بين الفريقين، يوم الأربعاء المقبل 18 يناير مع 4 لعشية فالتيران البلدي بقنيطرة.
وبالنسبة للوداد الرياضي حامل اللقب، فغادي يكون ضيف عند فريق أولمبيك آسفي يوم الخميس 19 يناير فتيران المسيرة الخضراء فمدينة آسفي ابتداء من الساعة 4 ديال العصر.
وفنفس اليوم غادي يختتم الفتح الرياضي المتصدر أيضا، الجولة 13، وغادي يحل ضيف على شباب المحمدية فتيران البشير مع 8 والنصف ديال الليل.