فانتظار يترفع عليه المنع.. الرجاء قريب يسني مع لاعب جديد

قرب الرجاء الرياضي من حسم الصفقة الثانية ديالو خلال هاد الميركاتو الشتوية، استعدادا للاستحقاقات اللي عند الفريق، من بعدما سنا قبل أيام مع اللاعب زكرياء الوردي اللي رجع يلعب معه.
وحسب مصدر مطلع فالأمر كيتعلق باللاعب نوفل الزرهوني اللي سبق له لعب مع الفتح الرياضي، قبل ما يمشي للسعودية يلعب مع الحزم السعودي، والرجاء حاليا فمفاوضات متقدمة مع اللاعب باش يرجع يلعب بالمغرب ولكن هاد المرة مع الخضرا.
المصدر نفسو أكد أن الساعات المقبلة، غاديا تكون حاسمة بالنسبة للرجاء من أجل حسم صفقة اللاعب نوفل الزرهوني، مع العلم أن الفريق مازال ما خداش الترخيص مع الجامعة الملكية المغربية لكرة القدم باش يدير انتدابات حيث دفع الملف ديالو من أجل رفع المنع ومازال كينتظر.