روينة ففرنسا..حكومة ماكرون دوزات مشروع قانون إصلاح نظام التقاعد بلا تصويت وتقربلات فمجلس النواب ودابا زعيمة اليمين المتطرف غادي تقدم اقتراح بسحب الثقة من الحكومة

قررات الحكومة الفرنسية اليوم الخميس اللجوء للمادة 49.3 من الدستور لتمرير مشروع قانون إصلاح نظام التقاعد، بلا ما تعرضو على التصويت في الجمعية الوطنية (مجلس النواب)، وهادشي ساعات بعد المصادقة عليه في مجلس الشيوخ.
وناضت روينة فالمجلس، فاش جات نوبة اليزابيث بورن باش تهضر وبدات كتفسر علاش غادي يلجؤو للمادة 49,3، بداو كيغوتو ويحتجو ويغنيو النشيد الوطني..
وأكد العديد من النواب والسياسيين الفرنسيين، أن لجوء الحكومة إلى المادة 49.3 لاستخدام هاد التدبير الدستوري يقدر يزيد من رفض هاد الإصلاح.
ومن 19 كانون يناير، تظاهرو الملايين ثماني مرات للتعبير عن رفضهم لهاد الإصلاح، اللي كينص البند الرئيسي فيه على رفع سن التقاعد القانونية من 62 إلى 64 عام.
وعلنات زعيمة اليمين المتطرف مارين لوبان، اليوم، أنها غادي تقدم اقتراح بسحب الثقة من الحكومة، واعتبرت ان هاد القرار "فشل ذريع" لماكرون ورئيسة وزرائه إليزابيث بورن.