الاجواء فتيران طنجة.. المشجعين آذن عليهم المغرب وبداو يفطرو وناشطين ومعولين على الرباح ضد البرازيل – تصاور وفيديو

كيعيش تيران طنجة اليوم السبت اجواء استثنائية فالماتش ديال المنتخب الوطني المغربي والبرازيل اللي كيتزامن مع شهر رمضان.
https://fb.watch/ju-j_g21ne/?mibextid=SDPelY
وغير بدأ أذان المغرب كيآذن بداو المشجعين ديال المنتخب الوطني المغربي كيتناولو وجبة الإفطار سوا اللي دخل للتيران أو اللي فالمحيط ديالو وحتى اللي فالطريق ويالاه شاد الطريق للملعب، الجرادي اللي حدا التيران عمرو بالمشعين اللي بركو كيفطرو.
موقع "كود" حاضر فعين المكان، وخذا تصريحا من عمد عدد من المشجعين وواحد البنت قالت فتصريحها بلي استقبلت العائلة ديالها اللي جايين من محتلف المدن كازا الرباط وقنيطرة، ووجدات لهم لفطور وجايا معهم وزاهيين وغشجعو ليكيب ناسيونال وميتمناو يفرحو كيفما فرحوا فالمونديال.
ومشجع آخر زماكري من الجالية المغربية بالخارج جاب العائلة ديالو بتفرجو فالمنتخب المغربي وقال: "الأجواء واعرة الافراح فكل مكان حنا صايمين وجايين من بلجيكا مع ولادنا وعيالاتنا باش نشجعو المنتخب وهذه فرصة باش نزرعو فالاولاد ديالنا الوطنية وديما مغرب".
مشجع آخر قال: "الماتش ضد البرازيل واعر وقوي وصراحة الأجواء زوينة ونمنتاو نربحوهم جايين انا وصاحبي شادين الطريق من قنيطرة وحدنا لفطور ديالنا ونفطرو فالتيران".
واحد المشجعة بوكوسة قال لكود: "جيت انا وصحباتي نشجعو المنتخب خصوصا انهم شرفونا فقطر، وحنا كاملين جينا نساندوهم ونيدرو النية معهم وجدنا لفطور فالدار وجبناه معنا، بغينا نربحو البرازيل".