حزب الإستقلال: من نجاة عباس إلى ريم شباط

.
" رجوعا إلى أصحاب محضر يوليوز 2011...."
هكذا بدأ أمين عام حزب الإستقلال استجوابه مع صحافية 'ميدي1تفي' في برنامجها 90دقيقة للإقناع.حيث قال بالحرف: "هذا محضر وقع تحت إشراف المجلس الوطني لحقوق الإنسان،و تم من طرف رئيس الحكومة السابق السي عباس الفاسي، إذن هذا ملفنا أي هذا ملف حزب الإستقلال..."
هذا مقتطف أولي من اعتراف السي حميد شباط،يشبه كثيرا اعترافات نيشفاليسا، النقابي اليساري الأوروبي، الذي قام مؤخرا بزيارة لصديقه الزعيم السابق لنقابة حزب الاستقلال التي حملته نحو قيادة أقدم حزب في المغرب.
جميل جدا مثل هذه الإعترافات التي طالما انتظرها المعطلون الدكاترة في زمن العصا الغليظة، و القانون المستمر...بل مازال رفاقهم ذوي الشهادات الجامعية خاصة المجازين القابعين في شوارع الرباط منذ أزيد من عام، ينتظرون التفاتة الزعيم السياسي الجديد، كلهم يرددون بعد البرنامج الذي أقنعهم في أقل من ساعتين:
" الله يجعلك مبارك مسعود علينا أ السي شباط، و على ولاد الشعب المقهورين،و ها كا يكونو الرجال ماشي بحال شي وحدين وصلو الحكم أ نساو ولاد الشعب...
و لكن أ السي حميد راه شلا حوايج نسيتها؟
واش ما لقيتيش في الأرشيف ديال السي عباس، ملف مهم جدا.أما هو؟
إلى كنتي باغي بالصح تصفي التركة ديال الحزب ديالكم، راه هادي فرصة مناسبة.أ ما هي أولدي؟
" هادوك ما لين الشهادات العليا، اللي نصب عليهم حزب الاستقلال فشكان وزير التشغيل، الأمين العام السابق لحزبكم في عهد حكومة السي عبد الرحمان اليوسفي، باسم التشغيل في الشركة الإماراتية القضية المعروفة اختصارا بنجاة عباس؟
الحكومة اللي ديال الكتلة الديمقراطية، ياك مانسيتي أ السي شباط؟ راه حرام تفرق بين ولاد الشعب هادوك مساكين المزاليط ما لقاوش لمن إشكيو غير لله"
هذا راه حتى هو ملف ديالكم، ديال الحزب ديالكم السي حميد.
شكون انتما؟ تكلمو باش نشوفكوم؟ كيف قال سقراط،
" حنا المجازين مكنبنولكش بحال النمل في شارع العاصمة، كل اربعاء و خميس على مدار السنة أ السي شباط،راه حنا ولاد الشعب، اللي كنظلو نرفعو في الباب ديال الحزب ديالكم:
" شكون حنا،؟ولاد الشعب، شكون حنا؟ ولاد الشعب،
أشنو بغينا؟ الوظيفة..."
لا مكانشوفكومش،شكون بالضبط، بنات و لا دراري؟
" حنا راه المجموعة الوطنية للمجازين المعطلين و التنسيقية الوطنية للأطر المجازة المعطلة و الإتحاد الوطني لتنسيقيات المجازين المعطلين و التنسيقيات المحلية للمجازين في الأقاليم و فروع الجمعية الوطنية لحملة الشهادات المعطلين بالمغرب و الإتحاد الوطني للمجازين المعطلين بالمغرب...
حنا كتار أ السي حميد شباط. راه هرمنا بلا خدمة،أفينا المزوجين و اللي والدين.أفينا الأرامل والأيامى(زعما اللي ماتو ليهم المعطلات اللي كانو معاهم) فينا حتى الشهداء : كالشهيد الحمزاوي و الشهيد محمد بودروة و الشهيد خالد الوردي...هادو زيدهوم على ضحايا السي عباس، أيام النجاة الإماراتية، ألقى لينا جميع ،عفاك شي حل و لا شي خدمة في الدولة "
و " راه ديك الساعة فاش كنا حنا ما لين محضر يوليوز2011، معتصمين في مقر ديالكم العام الفايت،وخى جبتي لينا البلطجية من فاس فرعونا عصا بالليل راه الله إسامح، غير وقف معنا الله إجازيك بخير "
أبدا عمرها ما كانت هاذي..حاشا ميعاد الله.أنا مكنتصرف حتى كيوقف عليا السي علال في المنام، وقول اللي أش ندير..
" حتى البرج لاتورفيل د فاس،اللي كيشبه لديال باريز ما طيحوش ليك فالليل؟
منعرف...
" إوا ما فيها باس ننساو الماضي، و ندعيو معاك الله إسخر فالدراري،وخى قالو لينا الصحافة بلي درتي بنتك ريم سكريتيرة حاضية معاك في فاس، ملي جيتي نتا لهنا للرباط، ما فيها باس كلشي ديالك أ السي حميد، غير حنا متنساناش عفاك، وخى غيرشي سلم 5 أو سلم 6 المهم خبزة مع هاد المخزن اللي فرعنا عصا، وخى شرفنا نخدمو غير شويا أنموتو مافيها باس غير ميبقاش فينا الحال أو تبقى فينا الوطيفة غصة في الحلق تحاصر الشهادة إلا مكتابة."
" إوا ريم راها بنتي،و هي الأولى عاد نشوفو هاد الشي ديالكم كثير...هادي راه غير السياسة، ماشي النقابة.أ السياسة راكم عارفين...
بقلم : امبارك ضيفي.markmazigh@hotmail.fr