مشاريع الجماعة تاع المحمدية

هذه حلقة يوم الاثنين 31 ديسمبر 2012

نصبات الجماعة تاع المحمدية قبل شهور عدة لوحات اشهارية عملاقة فعدد كبير من ساحات لمدينة ، لوحات كتبين للمواطن الاوراش والمشاريع اللي كينجز المجلس البلدي تلمدينة تحت شعار : "مدينة المحمدية في قلب الاوراش الكبرى" ،
نصب هاذ اللوحات جا في اطار مايسميه المجلس الشفافية والوضوح واطلاع المواطن على اي كبيرة وصغيرة ، وهاذ لكلام كي ما جا بلسان النائب الخامس بالجماعة تاع المحمدية اللي سبق وقال : (شاهد الفيديو)
اذا كي ماكنشوفو فوحدة من هاذ اللوحات كاين عدد كبير من الاوراش و المشاريع ،واللي غ نطرقو ليها جميع في محمدية بريس ونذكرو هنا اننا فتاتحنا في الاسبوع الماضي احد هاذ المشاريع اللي نجزنا بشانها روبرطاج هام واللي كان موضوعها : تسييج وتهييء المقابر.
اذن بين الفينة والاخرى محمدية بريس غ تواصل روبرطاجاتها بما جاء فهاذ اللوحات اللي نصبات الجماعة.
وكيف كنشوفو فوحدة من هاذ اللوحات المشاريع اللي غ نطرقو ليها كتبليط الازقة والمبلغ الضخم راكم كتشوفوه ،بناء مسجد بدار السعادة، تهيئة ساحة سيدي محمد بن عبد الله بالقصبة ، تهيئة المحطة الطرقية ، تهيئة الخزانة الوسائطية ، تهيئة المدارات، تهيئة المجازر البلدية بالمحمدية ، ماعرفتش واش وخطا في الكتابة المجازر او مجزرة ؟ ، تهيئة المساحات الخضراء بالمدينة وهناك ميزانية هامة ليها بهاذ الشان ، اضافة لمزانية كبيرة ايضا للصيانة الاعتيادية للمساحات الخضراء بالمحمدية ، ايضا غ نطرقو لاشغال تهيئة المحجز البلدي .
اذن اسيادنا ترقبوا روبرطاجات هامة بهاذ الشان في الفقرة تاع جوج كلمات على محمدية بريس بين الفينة والاخرى .

نتلاقاو غدا في الصباح فجوج كلمات وموضوع جديد.

لمن فاتته مشاهدة حلقة اول امس من اللقاء اليومي : جوج كلمات يرجى الضغط هنا
ولمشاهدة باقي الحلقات الماضية يرجى الرجوع الى القائمة الرئيسية
بالموقع والضغط على فقرة جوج كلمات