"هيت راديو": ما عندنا علاقة باللي وقع وغاديين نتابعو قانونيا للي كيشوه فسمعتنا

خرجات المحطة الإذاعية "هيت راديو ببلاغ كتهضر فيه على داك الفضيحة ديال اختلاق جريمة وهمية ونشر خبر زائف يمس بالإحساس بالأمن لدى المواطنين بواسطة الأنظمة المعلوماتية، وإهانة هيئة منظمة عبر الإدلاء ببيانات زائفة.
الإذاعة نفات بشدة تورطها في ارتكاب هاد الأفعال بعدما ادعى أحد المستمعين تعرضه لعملية سرقة البورطابل ديالو خلال مروره على الهواء مباشرة في برنامج "مومو رمضان شو".
كما أكدت باللي الإذاعة والناس اللي خدامين فيها معندوش حتى شي صلة بهاد القضية، كما نفت وجود شي علاقة لهم بالأشخاص اللي واقفين مورا هاد الأفعال، وأنهم على استعداد تام للتعاون مع السلطات المعنية لتوضيح الأمور وإحقاق الحقيقة.
وعبرت إذاعة "هيت راديو" عن احترامها الراسخ للبوليس والقضاء، وعلنات باللي تحتفظ بحقها ف اتخاذ كل الإجراءات القانونية اللازمة ضد كل واحد باغي يشوه السمعة ديالها