دابا جاب ليهم الله غزة: العدل والإحسان فاقت من سباتها وخرجات، ولأول مرة خرج مناضلو ملصقات تشي كيفارا ف مظاهرة بلا متعطي منهم ريحة الروج، خرجوا مقطوعين مساخيط الواليدين

بعد المرات حتى أنا بحال لخريين كيدخلني الشك وكنبدى نتيق فنظرية المؤامرة، وكتجيني معقولة أن مثلا داعش تكون صناعة مخابراتية ديال إسرائيل وماريكان، بحال كوكا وماكدونالد والفايسبوك، وعرام ديال المؤامرات الأخرى لي تسوقات لينا ديما، ولكن ما يحصل حاليا كيخليك تقدر تيق بحال داكشي.

كنتخايل دابا أنا أبو بكر البغدادي هز التيليفون إتصل بنتانياهو وقاليه عافاك أخاي ناتانياهو ضرب بشي صاروخ أو جوج هاديك غزة، على مانقدي أنا شي بريكولات خفاف فالعراق والسوريا، وهانتا شوف غي دقة دقة أنا عارف عندك باش تحيد غزة من الخريطة فنص ساعة ولكن ماباغيش الفيلم يكمل بكري حيث عندي شلا شغل هنا راه خاص نختن مليوني مرأة وخاص نطهر أرض العراق من الآشوريين السكان الأصليين منذ ألاف السنين ومن الشيعة الروافض ونطبق الشريعة ونقتل عدة ألاف باش يتواطى بنادم لشرع الله، ديك الساعة يمكن ليك تحبس الحرب وراك عارف أنا وياك خوت والدليل هو الفتوى ديال الله لم يأمر بمحاربة إسرائيل.

و كنتخايل عاوتاني حركة حماس و قيادييها كالسين وكيتشاورو بيناتهم، واكيفاش الخوت الحركة واقفة هاد ليام، مابقا وصلنا والو من شي قمقوم، من غير إسرائيل الله يجازيها بيخير طالقة لما والضو، راه خاصنا نديرو شي لعيبة ندورو بيها الحركة عاوتاني، راه كاع الريالات لي كانوا كيجيونا من الخليج ولاو كيمشيو دابا للحركات المقاتلة فسوريا، راه قطعو علينا رزقنا الدعوة بيهم لله، راه خاصنا نرجعوا للواجهة عاوتاني كشعب يقاتل من أجل الحرية والكرامة وعدالة القضية، راه شحال هادي مابقينا حتكرنا ساعات البث فالقنوات، يالله باليو حركو لينا السوق.

وطبعا داكشي لي كان من بعد خطف الشبان التلاتة وقتلهم، موالفين كيحتافضو بيهم وكيبقاو وكيصرفوهم أسرى ولكن الأسرى ملي كتطلقهم إسرائيل مكيجيبوش معاهم الباليزات ديال الدولار، لهذا فضلوا قتلهم باش تشعل.
وكنتخايل أوامر قيادة غزة على الشكل تالي: ممنوع خلو أي دار من كاميرات بجودة آش دي، وأي شهيد يموت وميتمش التصوير ديالو كجثة مقطعة الأوصال فراه غادي تحرم عائلتو من المساعدات، يجب إغراق الإعلام العالمي بصور الأطفال والنساء و العجائز، الرجال بلا متصوروهم راه كيموتوا منهم بزاف ومكيتسوق حد، هاداعش قتلات 1700 شاب فحفرة وصوراتهم هي ولاحتهم فالأنترنيت مفتخرة بالمجزرة ومادوى حد، ماخاصش نطيحو فهاد الخطأ خاص الصور تكون كفضح لجرائم الإسرائليين لي كيحاولو هوما ينكروها ويخفيوها، وركزو ليا على صور الرضع المحروقين راه كيجيبو الصرف، وملي يبانليكم الصاروخ جاي عرضوا ليه عيالاتكم وولادكم وراكم رابحين بجوج، لي بقا حي رابح المساعدات و لي مات رابح الجنة.

وكان أول الغيث ملايين الدولارات من الخليج وحتى المغرب ساهم بشي بركة واخا قليلة مقارنة بما دفعوه الآخرين ولكن المهم هو المشاركة، راه غي جات مع فاجعة بوركون أما كون عطينا كثر.

وطبعا ممحتاجش نتخايل جموع العاهات الذهنية والنفسية والإجتماعية لي خارجة تهلل وتتظاهر من أجل غزة، بعدما إستنفذوا كل شيئ، تظاهروا من أجل الغلاء وماجابش الله، تظاهروا من أجل ملكية برلمانية وماجابش الله، تظاهرو ضد دانيال وجاب الله مول الحانوت المراكشي قود منو وخدا غي عامين ومصور كاع، تظاهرو ضد أي حاجة و مع أي حاجة حتى تقادى ليهم كولشي جاب ليهم الله دابا غزة، وفاقت العدل والإحسان من سباتها وخرجات ولأول مرة خرج مناضلو ملصقات تشي كيفارا فشي مظاهرة بلا متعطي منهم ريحة الروج، خرجوا مقطوعين مساخيط الواليدين، وحتى أتباع اللحية مول لامبة خرجوا، وجابوهم الكيران من كل حذب وصوب، بحال الى بغاو يأكدو ما قاله شباط عليهم مؤخرا.

على العموم شكرا لمصوري غزة حيث راه حقا كيحركوا السوق، وكولشي كيستافد منهم، وعلى ما يكمل خليفة المسلمين تختين نساء العراق كنتمناو تنتهي الحرب فأقل مدة ممكنة حيث راه الأمر مقرف بزاف.