حصري. ها علاش دول بحال ايران فيساع عرفات شحال من حاج مات عندها ودول بحال المغرب مازال كتقلب

اسماء غربي ورشيد هل لغلام /////
قال مصدر مقرب من البعثة المغربية الرسمية الى الحج من السعودية ل"كود" ان هناك صعوبة كبيرة للتعرف على الحجاج المغاربة سواء الذين توفوا في حادثة التدافع في منى الخميس الماضي او الذين مازالوا في عداد المفقودين. وقال المصدر ل"كود" "دابا خاص ايلى كان حاج مغربي مصاب في مستشفى بجدة مثلا٫ خاص الادارة السعودية تنتقل للمستشفى ولا كانت اصابتو ما تسمحش ليك يتكلم غادين ياخدو ليه البصمة ويقارنوها بالبصمات الموجودة لديهم عن الحجاج اثناء دخول السعودية وانذاك يعرفو شكون مولاها" يشرح مصدر "كود".
المصدر نفسه شرح ل"كود" معرفة ايران بسرعة عدد قتلاها 131 "جميع حجاج ايران عندهم بحال براسري فيديهم عندو لون واحد. كلهم دايرينها. وباش وقع الحادث المأساوي كان ساهل عليهم يعرفو الحجاج الايرانيين. وفود اخرى عندها بحال هاد الشي". والمغاربة؟. مصدر "كود" قال "عندهم بادج ولكن ماشي ضروري كلشي يديرو. كاين اللي كيخليه وكاين اللي كيحيدو. المهم هاد الشي اللي خلى صعوبة كبيرة فعدم التعرف عن الحجاج المغاربة مقارنة بدول اخرى". يختم مصدر "كود".