سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
ها اللي خاصهم يمشيو للسويد وها اللي خاص رئيس الحكومة يهبط عندهم ويداكر معاهم فالصحرا وها اللي خارج على الدولة فهاد الملف. راه ولد الرشيد ربح 310 مستشار فجهتي الداخلة والعيون من اصل 559
"واش غادي للسويد؟" طرحت "كود" سؤالا على منتخب من مدينة العيون. دره كان ماكرا؟ اش واقع فالسويد؟ طبعا يعرف الملف جيدا ويعرف خباياه. عند طرح السؤال عن موقفه يرد "حنا ملكيين نؤمن بالوحدة الترابية بصدق. اللي بغانا يدق بابنا". هاد المنتخب الصحراوي صادق فيما يقوله. فين كاين الخلل؟ "كاين فالدولة اللي ما دايراش الثقة فالصحراويين. اولاد لعيون اللي بقاو ولا العايدين" يشرح مصدر اخر ل"كود". الثقة اذن غير موجودة بين فئة من الصحراويين وبين السلطة المركزية. تظهر اكثر ان من بين من عمل طويلا لصالح فكرة الانفصال بالدول الاسكندنافية عائدات وعائدون. ما حاشاتهاش ليهم الدولة شي مرة وحملاتهم المسؤولية. ما كنظنش شي حد قادر يفهم هاد الاستكندنافيين اكثر من الليبك وكلثوم الخياط والقائمة طويلة. هادو رجعو للمغرب عن اقتناع. رجعو ومآمنين بفكرة وحدوية في اطار فيدرالي. شعرو بالاحباط لتهميشهم ولتأجيل فكرة الجهوية لسنوات. شعروا بالاحباط من تدبير الملف وتوظيف بعض الناس ما هامهم الا لفلوس. قضية استعداد السويد للاعتراف بالبوليساريو وتداعيات ذلك على دول اخرى اسكندنافية وتدبيرها مشى ماشي كلو ولكن جزؤو فالطريق الخاطئ. كان على رئيس الحكومة يسول مالين الدار اي صحراوة. يبدا بالاحزاب والنقابات ومن بعد يمشي يجمع جميع منتخبي جهتي العيون الساقية الحمراء والداخلة وادي الدهب. هاد الناس عندهم الشرعية الشعبية. كيفاش رئيس الحكومة ما يتلاقاش بحمدي ولد الرشيد منسق الجهات الثلاث لحزب الاستقلال في الصحراء. السيد بوحدو صوتو عليه فالعيون 31 الف منهم 26 الف فقط فالعيونالمدينة ولائحتو ربحات 29 مستشار . ربح حزبو فجهة العيون 191 مستشار من اصل 340 مستشار وربح فجهة الداخلة 119 مستشار من اصل 219 مستشار وعندو جهتي العيونوالداخلة بجوج وعندو 4 غرف مهنية وعدد من المجالس القروية ومجالس العمالات والاقاليم، ففي وادي الذهب عندو 2 جماعات قروية من اصل 6 وفي العيون الساقية الحمراء ربح 2 جماعات قروية من اصل 3وفي السمارة ربح 4 الجماعات القروية من اصل 5 . دابا هادا ايلى مشى للسويد عندو الشعبية الشعبية وصحراوي وعارف اش كيكول. الخطاب الديموقراطي هو الوحيد اللي قادر يقنع السويد ومن معها. بوفود من احزاب ما حلوش فمهم نهار اجتماع بنكيران مع امناء عامون للاحزاب السياسية كيفاش غادين يمشيو للسويد. اللي خاصو هما مالين القضية
