حطم الروكور هادا..جوج كريمات وحجة على حساب الملك ومزال زايد سامر على الموكب الملكي

اليوم الإثنين المحكمة الابتدائية في برشيد، غدي دوز واحد السمايري للموكب الملكي من نوع خاص. السيد كانوا شدوه الجمعة لي فاتت في كازا، جاي من برشيد سامر على الموكب الملكي وبغا يعطيه مجموعة من الرسائل وبطائق وطنية للاستفادة من كريمات.
هاد السيد خدام رئيس جمعية وعندو قاعة رياضية، حسب مصدر "كود"، فايت مستافد من جوج كريمات، ومشا للحج هو ومرتو على حساب الملك، لكن هاذ المرة موحالش يفلت منها، السيد عندو سوابق في اعتراض الموكب الملكي لأكثر من 3 مرات، وغير كانو كيحذروه صافي لكن هادي هيا اللخرة ليه ووصل للمحاكمة.