البام مورط مع هادا رجل الاعمال كتبحث عليه الانتربول. كيفاش حول دار بوعزة لمملكتو وكاينين جوج شكايات جداد ضدو

بعد التحقيق اللي تفتح ضد الملياردير المغربي اللي عندو جنسية قضائية باشراف النيابة العامة باستئافية الدار البيضاء وبعد احالة هاد الملياردير اللي سميتو الفهمي احمد ومن مواليد كندا وعندو مذكرة بحث دولية كيف كشفت على ذلك في وقت سابق “هسبريس“٬ علمت “كود” ان جوج شكايات جداد تقدمو ضدو.
وكان نجيم بنسامي، الوكيل العام للملك باستئنافية الدار البيضاء، قرر يحيلو على التحقيق بعد توصله بشكاية ووجهت اليه تهم ارتكاب أفعال النصب والاحتيال وتبييض الأموال في المجال العقاري، كيف كتقول وثيقة عند “كود” من النيابة العامة
الشكايتين الجداد بحال الشكاية الاولى نفس التهم.
السكان اللي تكلمات معهم “كود” يتهمون رئيس جماعة دار بوعزة عبد الكريم شكري اللي كان مقدم وولى ملياردير وهو من حزب الاصالة والمعاصرة بالتواطؤ. دابا غير اتهام وصافي خاص تحقيق نزيه نزيه نزيه يجيوه قضاة من الرباط ماشي حتى كانا باش نعرفو القصة حقيقية. شفنا فيديوهات دازت فالانترنيت تتهم هاد شكري وكثير منها بتهم ثقيلة وما عمر شي حاجة تحركات ضدو.
ووتهم الاسر بان الجماعة تواطأت معه باش ما تدوزش الطريق فارض هاد الفهدي بل فاراضيهم. السيد كال ليك باغي يدير مدرسة. ما عرفناش اش غادي يعلم فيها للمغاربة.
اسر فدار بوعزة كتاهم هاد الشخص بالاستيلاء على ممتلكاتها العقارية. اخطر من هاد الشي هاد الاسر عندهم حكم قضائي باش يفرغ هاد المليادرير الممتلكات ورفض.
علاش البام٬ لان وفق مصدر “كود” من غير علاقتو المثيرة للغرابة بهاداك شكري المليادير الجديد وكثار من ملياردير بعد البوم العقاري اللي شهداتو “دار بوعزة” بحكم قربها من كازا٬ فهناك قيادي من هاد الحزب خدم معاه ومكلف ليه بادارة علاقاتو العامة. هاد الترابط خطير جدا
هاد الفايدي دار عرس اسطوري العام اللي فايت وجاب ليه راغب علامة ونجوم من لبنان وكاع لمعروفين بالمغرب وحضرو ليه قضاة ومسؤولين امنيين ورجال اعمال وناس سياسة. درك دار بوعزة راه كيعرفوه مزيان مزيان
هادا مكبتها وصافي. عندو شكايات فالفيتنام باللي اختلس 150 مليون دولار وقضية ملاحقته من الانتربول مازال كاينة.
ها الرابط