واش معاهم رجال اعمال وغاديين يسمعو منهم. ها اللي دعاو لتعليق المقاطعة وهما كاع ما كانو فاعلين فيها

نشطاء وفاعلون و سياسيون وجمعويون وباحثون ورجال أعمال وجهو نداء لتعليق مقاطعة الحليب لمدة 10 أسابيع من يوم السبت 7 يوليوز إلى يوم الجمعة 14 شتنبر 2018.
وأضافو أنه الا كان تجاوب فعلي وملموس مزيان والا مكانش، المقاطعين غادي يستأنفو مقاطعة المادة بشكل جديد.
قالك هادشي غادي يديروه باش يعطيو الفرصة للشركة المعنية تقاد مقترحاتها المعلنة الى أرقام فعلية استجابة للمقاطعة
الي دايرين المغاربة، دابا هادي اكثر من عشرة أسابيع.
المشكلة فهاذ الدعوة وفهادشي الي بغاو يديرو هي أن الناس الي مطالبة بهاذ التعليق ديال المقاطعة ماشي هي الي بداتها أصلا.
حتى واحد من الأسماء المشاركة فهاذ التعليق ما كانت فاعلة فحملة المقاطعة الأصلية، لا سيما رجل الأعمال كريم التازي! اش بينو وبين هادشي كاع؟ واش هو لي بدا المقاطعة باش دابا كيطلب الناس يوقفوها؟
وهاد الأساتذة الباحثين، والجمعويين والمهنديسين شكون الي دارهم صوت ديال الشعب؟ وكيقررو فبلاصتو وقتاش يقاطعو ووقتاش لا والمنتوج المقاطع؟
ومن بين الموقعين كل من: لطيفة البوحسيني، فؤاد عبد المومني، محمد حفيظ، كريم التازي، الطيب حمضي وعبد الرحيم تفنوت، وآخرون وصل عددهم إلى حوالي 40 توقيع.