إدريس جطو الرئيس الأول ديال المجلس الأعلى للحسابات نبه حكومة بنعرفة من إفلاس الصندوق المغربي ديال التقاعد. تحذير جطو هذا جاء خلال العرض اللّي قدمو فجلسة عامة أمام مجلس النواب واللي كيخص التقرير ديال المجلس الأعلى للحسابات لسنتي 2016 و2017. وأوضح جطو مساء اليوم الثلاثاء أن الإصلاح اللي كاين دبا ديال الصندوق مكافيش كاع، داعيا إلى إحداث قطب عمومي. وكشف الرئيس الأول للمجلس الأعلى للحسابات الاستمرار ديال تقلص مدخرات الصندوق فعام 2017. كما أبرز جطو أن العدد الإجمالي ديال المتقاعدين خلال سنة 2017 وصل ل350 ألف متقاعد جديد. وهادشي تسبب فعجز بخمسة ديال الملايير درهم. وكشف ايضا على ان الدين ديال خزينة الدولة مواصل الوتيرة التصاعدية ديالو، مبرزا خلال العرض اللّي قدم فجلسة عامة أمام البرلمان مساء اليوم الثلاثاء ان الحجم الإجمالي ديال المديونية فالقطاع العام ارتفع ل970 مليار درهم, وشدد جطو على الضرورة ديال وضع حد لما أسماه “التشتت” ديال البرامج التنموية. كما دعا إلى الانكباب على برامج الدعم الاجتماعي، سيما دعم التمدرس ومحاربة الفقر والصحة وغيرها من القطاعات الحيوية.
