فاللخر هاديك اللي گالو مع بوريطة ما نجحاتش والاعلام داتها وحدة تتساهل وسقط واحد الفاسي داخل للخارجية بيسطوني

هاديك البنت اللي ناض عليها الصداع وكانت فالصورة مع وزير الخارجية والتعاون ناصر بوريطة واحد المرة فاجتماع ببروكسيل وتكتب باللي بلا ما دوز الكونكور نجحات٬ فالاخير ما نجحاتش.
وفق اللائحة اللي خرجاتها الخارجية فان هاديك البنت اللي دوزات مباراة ف”المستشارين” وف”كتاب الخارجية” حقاش عندها ليصانص وديبلوم الدراسات العليا وهاد الشي يخول ليها دوزهم بجوج٬ ما كايناش فاللائحة، يعني سقطات.
حاجة مزيانة فاللائحة اللي تنشرات لائحة رؤساء الاقسام. كاين العنصر النسوي ماشي نص اللي نجح ولكن كاينة كفاءات نسائية. علاش گلنا ليكم حاجة مزيانة مثلا نزهة الساهل ولات رئيسة قسم “الاعلام” فالديبلوماسية العامة والفاعلين غير الحكوميين”. فهاد المنصب كان من بين المرشحين واحد النكرة گاليك دوز سنوات فالصحافة وما كيعرفو حتى حد حقاش ما فيدوش وما كيعرفش يميز حتى بين ولد الرشيد عمدة لعيون وولد الرشيد رئيس الجهة واسمه الفاسي ودخل للخارجية بالوجهيات. هاد الشخص غير الكفء سقط. هادي بوحدها حاجة مهمة. مدفوع ومدعوم وبوريطة كيحتاط منو وما فيدوش حتى ينجح باش ياخد رئيس قسم.
دابا عنداكم غدا يمشي قنصل فشي مدينة راه غادي يدير ليكم فضيحة. خاص اليوم مباريات حتى اللي بغى يمشي قنصل. باش يتقطع الطريق على امثال هادو