جبناء هاد ناس البي جي دي فعهد بنعرفة. شوف كيفاش ضامنو مع الرميد على خبار الكاباري: معروف خلفية نشرها وشكون وراها

هاد البي جي دي مع قيادة بنعرفة كلشي فيها مشوه. جبن فاتخاد القرارات ولا تضامن بعد حين. خبر خبار نشراتو “برلمان” على تواجد مصطفى الرميد بكاباري. المعني بالامر قال غادي نمشي للقضاء. حزبو ما ضامنش معاه الا بعد فترة.
التضامن خرج فبيان بعد اجتماع الامانة العامة البارح اللي دار فدار رئيس الحكومة. دابا غير نعرفو واش حزب بعقلو يدير اجتماع فدار رئيس حكومة.
البيان قال باللي خاصهم يواجهو “الأخبار الكاذبة والمغرضة”.
وعبر البيان الصادر عن الاجتماع المطول للأمانة العامة ل”البيجيدي” عن “استهجان الأمانة العامة واستنكارها للحملات الإعلامية التي تستهدف بعض قيادات الحزب ومناضليه وعدد من الفاعلين السياسيين، من خلال إشاعة أخبار مغرضة وكاذبة والتي لم تعد تخفى خلفيات ناشريها وارتباطاتهم، ولن تنطلي إن شاء الله على يقظة ونباهة الرأي العام، وتؤكد الأمانة العامة بهذه المناسبة على عزمها تعبئة الوسائل الإعلامية والسياسية والقانونية المتاحة للتصدي لتلك الحملات البئيسة”.
ولكن علاش ما ضامنتوش مع الرميد فنفس الوقت. علاش تسنيتو، ثم اش هاد الشي ديال اللي نشر ضدكم شي خبار راه عندو ارتباطات. ياك انتوما فالحكومة قولو لينا اش من ارتباطات. التخربيق وصافي