آشنو معنى الخوت أبو زعيتر يسوكَ بيهوم والي العيون. وعلاش يمشيو فطونوبيل الدولة – تصاور

[email protected]
هاد الماتش ديال “الكَالا” لي فالعيون بمناسبة عيد المسيرة الخضراء فيه غا الكوارث والبهرجة الخاوية. ناس ما عندها لزمة كيحيبوها ويعطوها قيمة.
وحسب ما عاينت “كود” بعد حفل الغذاء ديال الجاهلية لي دار خارج العيون فخيام مخصصة لعاد الغرض، عمد والي جهة العيون الساقية الحمراء، عبد السلام بكرات، على سياقة سيارة الدولة ومعاه ابو زعيترات ووزير الثقافة والشباب والرياضة، حسن عبيابة. بمعنى والي العيون ناض هو لي كيسوق بهاد الناس.
واش هادشي كرم منو ونكران ذات ولا خوف من شي حاجة أوتقرب من هادوك ابو زعيتر ؟ مازال كون ساكَها بوزير الثقافة والشباب والرياضة نكَولو هانية شخصية رسمية. ولكن يسوكَ بهادوك لي تلاحو على الصحرا راه ماشي معقول. وكيبين أن كاينة شي حاجة ماشي تا لهيه.
ابو زعيتر خاصهم يتعاملو بحال أي حد آخر لأنهم مجرد رياضيين فقط والوطنية كلنا مساويين فيها وفدرجة واحدة. راه ماشي رياضي ديال ما نعرت شنو يجي للعيون ويبدا يتصور وهو أصلا ما معروفش ما قدم خدمات للبلاد ناس لعبات على أعلى مستوى ومشهورة مشات غير فالكار بحال ولاد لبلاد نور الدين النيبت ورشيد الداودي وسفيان لعلودي.