دنيا باطمة سعرات.. كتشير فجميع الجوايه بعد خبر اعتقال ختها فقضية “حمزة مون بيبي”

المغنية دنيا باطمة مكتعرفش تتصرف. هادي هي الخلاصة لي خرجو بيها المقربين ليها بعد الخرجات الاعلامية والانستكَرامية في قضية حسابات “حمزة مون بيبي” لي كان داير عصابة تشهير وسب وقذف وابتزاز.
البارح المغنية صعرات وبدات كتكلاشي في المواقع لي حطو خبر اعتقال ختها ابتسام من طرف البوليس في مراكش بعدما جبدوها بزاف ديال الضحايا والمعتقلين في القضية لي هزات الرأي العام هاد العام، ولي اختارت باطمة بنفسها تردها قضية عربية بعدما مشات كتدوي في الموضوع في القناة السعودية “العربية” وكتدافع على راسها.
وكيفما ذكرنا في الخبر لي نشرنا البارح في “كَود” البوليس كانو مشاو عند ابتسام لدارها في كازا لكن ملقاوهاش، ومن بعد مشاو لمراكش وشدوها تما وجابوها لكازا باش يسمعو ليها بعدما تم ذكر اسمها في التحقيقات.