تفاصيل جديدة على شبكة "تبييض الأموال" فمراكش: مليون أورو كاش وشيكات فدار أحد المتهمين والاستماع لملياردير مشهور ورجل أعمال سعودي وتقديم المتهمين اليوم

حصلت "كود" على معطيات مثيرة حول ملف ما بات يعرف ب"شبكة تبييض الأموال" بمراكش، حيث تتواصل التحريات والأبحاث الأمنية لكشف ألغاز كثيرة وراء الشبكة الخطيرة.
وحسب معطيات حصرية، فإن أحد المشتبه بهم في ملف، لقاو عندو فالدار مليون أورو، إضافة إلى شيكات على سبيل الضمان.
هاد القضية ديال شيكات على سبيل الضمان، ولي كانت قضية رأي عام وناضت فيها الروينة بين وزارة الصحة والمصحات الخاصة، بسبب اعتماد الأخيرة على هاد الشيكات فالتعامل مع الزبناء، ولات كذلك فهاد الملف حيث تم الاستماع لرجل أعمال سعودي سبق ليه حط شكاية ضد أحد المتهمين فهاد شبكة "تبييض الأموال".
هاد رجل الأعمال السعودي، عندو شركات تأجير السيارات، تعتقل بسبب الشيكات على سبيل الضمان.
تقديم شبكة لتبييض الأموال، وفق مصادر "كود"، بدا اليوم.
دبا كاين شبهات كثيرة فالملف، من ضمنها أن شبهة "السلف بالعمولات"، وتهم أخرى فيها النصب والاحتيال. وكاين اخبار كتقول بلي احد المتهمين لقاو عندو علب سجائر مهربة والتنابر ديال الجمارك. هادو شبهات كثيرة. باقي غايبان كولشي. شكون لي مورط وشكون لي بريء.
الملف دبا كيتم فيه التحقيق، مزال غاتبان أمور كثيرة من هنا غذا.