كورونا اليوم: قفلنا 10 مليون ملقح بالجرعة اللولة.. و789 تصابو بالڤيروس

فالحصيلة اليومية لفيروس كورونا المستجد اللي علنات عليها وزارة الصحة اليوم الخميس 1 يوليوز، ففهذ 24 ساعة الأخيرة تقاسو 789، وماتو 2، وفالمجموع 4751 كيتعالجو، وكثر من 35 ألف خداو الجرعة الأولى.
التلقيح:
تلقحو 35118 بالجرعة الأولى، ووصلو فالمجموع ل10028791، وتلقحو بالجرعة الثانية 24653، ووصلو فالمجموع ل9140785.
الإصابات:
والإصابات طلعو اليوم، بحيث تقاسو 789 واحد من أصل 18121 واحد دار التحليلة، ووصل عدد المصابين فالمجموع ل532150.
ومؤشر الإصابة التراكمي وصل ل1462,5 لكل 100 ألف نسمة، بمعدل 2,1 لكل 100 ألف نسمة فهذ 24 ساعة.
حالات الشفاء:
تشافاو اليوم 525، ووصل الإجمالي ل518101، بنسبة تعافي ديال 97,4 فالمية.
الوفيات:
واليوم ماتو 2، 1 فكازا و1 فالصخيرات، ووصل هكذا عدد الوفيات ل9298، بنسبة فتك 1,7 فالمية.
الحالات النشيطة والحرجة:
عدد الحالات النشيطة طلع ل4751، وعدد الحالات الحرجة وصل ل230، 18 تدهورات غير اليوم، و7 تحت التنفس الاختراقي، أما نسبة ملء أسرة الإنعاش فبلغات ل7,6 فالمية.