حرائق الجزائر و"قانون الغابة".. اتاهمو شاب دزايري بللي شعل العافية وقتلوه وحرقوه وسط الشارع و ف اللخر بانت الحقيقة – تغريدات و فيديوهات

ملي كاتغيب الدولة ومؤسساته، توقع أنه غايوقع انهيار فمنظومة البلاد، والمتوقع أيضا أن المواطن غايرجع هو القاضي والجلاد ويدير شرع يديه وكولشي.
لبارح الاربعاء خاصة بعض الشباب ف تيزي وزو، بمنكقة القبايل، شدو دري وقالو أنه كايشعل العافية، وبغاو يقتلوه لكن البوليس حيدو ليهم، ولكن ماتقبلوش تدخل البوليس وعاودو شدوه وقتلوه وشعلو فيه العافية.
La police tente de retenir la foule afin d'empêcher des lynchages publics. pic.twitter.com/fiaE8kHof7
— Tajmaât (@Tajmaat_Service) August 11, 2021
وبعد تداول صورة هاد الشاب عبر الأنترنت، تعرفو عليه صحابو وقالو أنه مغني من مدينة "مليانة"، مشى باش يقدم المساعدة للناس ضحايا الحرائق اللي كانت فالمنطقة، ولكن للأسف تشد وتقتل من طرف بعض الرعاع.
هنا كايبان أهمية دولة المؤسسات، وبسباب كارثة طبيعية انفلتت الأمور فالدواير وممكن تنفالت أكثر.
???????? FLASH – Plusieurs suspects ont été interpellés à Larbεa n at Iraten par la population, des bidons d'essence on été retrouvé dans les véhicules et ne possédaient aucune plaque d'immatriculation. pic.twitter.com/oVGW2JzNDh
— Tajmaât (@Tajmaat_Service) August 11, 2021
وطبعا حكام الجزائر بداو كايروجو لنظرية المؤامرة، وأن العافية تسببات فيها أياد خارجية.. راه هاد الماركة من "المسؤولين" باش يعومو مشاكلهم و يلهيو الناس يقدرو يلا ضربهوم بركان أو زلزال يقولو أياد خارجية هي السبب.