الميراوي فاجتماعو مع المدراء والعمداء فجامعة سطات: جمعو روسكم ولي فرط غادي يكرط

البارح كانت جنازة في جامعة سطات بسباب إعفاء رئيسة جامعة الحسن الأول خديجة الصافي من منصبها، وجا وزير التعليم العالي والبحث العلمي والابتكار عبد اللطيف الميراوي برجليه حتى للجامعة باش يوقف على تسليم السلط بينها وبينها جمال الزاهي.
وحسب مصادر "كود"، الوزير من بعد تسليم السلط دار اجتماع مع رؤساء المؤسسات الجامعية التابعة لجامعة الحسن الأول قاليهم ان قرار اعفاء خديجة الصافي جا باش رجع لجامعة البريق ديالها لان الشواهد ديالها مبقاتش عندها شي قيمة .
واضاف المصدر ذاته ، ان الوزير اكد خلال هذا الاجتماع انو لي فرط غادي يكرط، واضاف: اليوم خصنا نبداو فإصلاح هاد الجامعة وانا غادي ندير مجهودات على شتى الأصعدة باش نرجعها لمكانها الطبيعي وخصكم تعاونونا على هاد الشي.
الوزير جا طالع ليه الدم على الحالة لي وصلات ليها جامعة سطات.