مزواري رد على بنكيران عبر "كود": عمرني طلبت منك الأغلبية فالمحمدية..ووثيقة البصري معروفة عند كولشي ونتا بغيتي دير أسلمة الإدارات

رد المهدي مزواري، عضو المكتب السياسي لحزب الاتحاد للقوات الشعبية، على التصريحات الصادرة عن أمين عام حزب العدالة والتنمية يوم أمس في لقاء حزب بمدينة أكادير، واصفا هذه التصريحات ب"الكاذبة".
وقال مزواري، في اتصال مع "كود"، إن ما كلام بنكيران بخصوص تشكيل اغلبية مجلس جماعة المحمدية سنة 2015، غير صحيح، مضيفا :"عمرني مشيت طلبت بنكيران باش نكمل الاغلبية".
وأوضح مزواري ل"كود" :"كانت الاغلبية واجدة وجاو طلبوني نكون رئيس ورفضت، وديك الساعة مامحتاجينش البي جي دي، كون كنت بغيت رئيس البلدية"، مردفا :"عمرني طلبت أغلبية من بنكيران أو مشيت عندو لهاد الغرض، المرة الوحيدة لي مشيت عندو أديت واجب العزاء في والدته".
أما بخصوص مراسلة بنكيران لإدريس البصري، قال مزواري :"هاد الوثيقة كتروج منذ سنوات، ماشي دبا، واش موقعة بخادكم المطيع أو لا، ولكن التاريخ واضح كابتينو الدارسين والمهمتين وكولشي عارف كيفاش الاسلاميين دخلو للجامعة". مضيفا :"معندناش وقت باش نمشيو نقلبو على الوثائق".
وعن قول بنكيران :"داوه لواحد الهيئة دورو معه" في اشارة إلى هيئة ضبط الكهرباء، أوضح القيادي الاتحادي ل"كود" :"هذا تكليف وعمل كنأديه بمقابل، ماشي كناخد تقاعد وكنسب الناس"، مضيفا :"بغيت نفكر بنكيران بخطة اسلمة الادارات فاش الالاف من اعضاء حزبه للإدارات".
وفيما يتعلق اتهام بنكيران لقيادات اتحادية بالجلوس مع البصري ورجالات الداخلية، قال مزواري :"اخير واحد يعطينا دروس فهادشي هو بنكيران، الاتحاد لي تزورات عليه الانتخابات على مدار تعاقب الحكومات السابقة إلى حين الوصول إلى التناوب والقصة كولشي عارفها".
وقال بنكيران خلال لقاء حزبي اليوم الأحد بمدينة أكادير، في حديثه عن مزواري:"كيقول بلي وثيقة صيفطها إلى وزير الداخلية السابق البصري وقعتها ب"خادمكم المطيع ".
وتابع بنكيران :"يلا جبتو شي ورقة فيها خادمكم المطيع انا نخرج من السياسة"، مخاطبا الاتحاد الاشتراكي :"شديتكم مغرضين".
وزاد بنكيران فالكلاش للمزواري :"كان كيجي يرغب فالمحمدية باش نكملو ليه الاغلبية ديالو .. مشا كيقول هاد الكلام"، مضيفا :"كنقول سي المزواري عندي الرسالة الأصلية لي صيفطها البصري".