ميسي فرش "الفيفا" مرة أخرى

تحط الاتحاد الدولي لكرة القدم "الفيفا" مرة أخرى فموقف محرج فمونديال قطر 2022، وهاد المرة كان السبب هو أسطورة الارجنتين ليونيل ميسي اللي ما بغاش ياخد جائزة أحسن لعاب فماش منتخب بلادو ضد بولونيا.
ومن بعدما سالا الماتش اختار الاتحاد الدولي لكرة القدم "الفيفا"، ليونيل ميسي أحسن لعاب فماتش الأرجنتين ضد بولونيا فالجولة الثالثة من كأس العالم، ولكن رفض الأسطورة الأرجنتينية، ياخد الجائزة وأكد بلي صاحبو ماك أليستير هو اللي كيستحقها.
وقدم ميسي جائزة أحسن لعاب لصاحبو فمنتخب الأرجنتين ماك أليستير، مع العلم أن ميسي ضيع بيلانتي فالماتش ضد بولونيا، أما أليستير ماركا البيت الأول الارجنتين فالماتش اللي سالا بنتيجة 2 لزيرو لمصلحة ميسي وصحابو اللي تأهلو لثمن النهائي وغادي يلعبو ضد أستراليا.
للاشارة فماشي هادي هي المرة الأولى اللي كتحط فيها "الفيفا" راسها فموقف محرج، حيث سبق لها ودارت هادشي فماتش بلجيكا وكندا ملي عطات جائزة احسن لعاب لكيفن دي بروين وخرج هو واستغرب منها، وفماتش المغرب وكرواتيا ملي عطاتها لوكا مودريتش فالوقت اللي كان كيستحقها نور الدين أمرابط أو ياسين بونو من المغرب.