ليدز يونايتد الإنكليزي دخل ينافس نابولي الإيطالي على عز الدين أوناحي

حاط فريق ليدز يونايتد الإنكليزي حتى هو العين على الدولي المغربي عز الدين أوناحي نجم أنجي الفرنسي، وباغي يسني معه فالميركاتو الشتوية الحالي.
وكشف موقع "footmercato" المتخصص فانتقالات اللاعبين، أن ليدز يونايتد كيسعى لاستغلال فترة الانتقالات الشتوية الحالية باش يعزز الصفوف ديالو بلاعبين قادرين على قيادة الفريق بقوة خلال مرحلة الإياب من الدوري الإنكليزي الممتاز، ويبعدوه على المركز 14 اللي كيحتلو دابا، ومن بين الأسماء اللي مرشحة عز الدين أوناحي.
وحسب نفس المصدر، فليدز يونايتد كيتودد لعز الدين أوناحي وفريق أنجي باش يسني مع النجم المغربي، وقدم عرض للفريق الفرنسي باش يحصل على الخدمات ديالو والقرار عيبقى للنجم المغربي اللي عندو عرض من نابولي الإيطالي، وحسب ما قال أوناحي فوقت سابق فقرار الانتقال ديالو لفريق جديد غادي يكون باقتناع بالمشروع الرياضي ديال هذا الفريق.