كونكور عمادة FST بسطات.. هادو هما المرشحين الثلاثة للمنصب ورئيس الجامعة باغي صاحبو للي مسؤول على الدكتوراه هو لي يكون عميد

دارت رئاسة جامعة الحسن الأول بسطات، الاربعا للي فات، كونكور ديال عمادة كلية العلوم والتقنيات FST بعد ما سلات ولاية العميد جمال النجا لي دابا هو عميد بالنيابة.
"كود" جابت معطيات حصرية على الأساتذة الثلاثة للي غتعطى أسماءهم لعبد اللطيف الميراوي وزير التعليم العالي والبحث العلمي والابتكار، وللي بدورو غادي يقدم الترشيحات لرئيس الحكومة عزيز أخنوش باش يدوزو فمجلس الحكومة للي غيصادق تعلى عيين واحد من المرشحين الثلاثة لعمادة كلية العلوم والتقنيات.
وعلى حساب ما تسرب كيقول مصدر "گود" بللي المرشح الأول هو مدير مركز الدكتوراه والصاحب المقرب من رئيس الجامعة عبد اللطيف مكرم،وتوضع على رأس اللائحة باش يكون هن العميد جاي بدعم من الرئيس.
الغريب يضيف مصدر "گود" أن المعني بالأمر داير مشاكل فمركز الدكتوراه وكان موضوع مراسلات للرئاسة والوزارة فيها خروقات كبيرة ومع ذلك الرئيس تيقول منو نخلاق وفق مقربين منو.
فالمركز الثاني وفق نفس المصدر، كاين أستاذ عندو شركة مكيشوفش الكلية إلا نادراً. وفي المركز الثالث والأخير، أكد مصدر "گود" بللي العميد الحالي هو لي فهاد المركز.
كلية العلوم والتقنيات حسب متتبعين كتبقى هي المؤسسة الوحيدة لي مافيهاش مشاكل والطلبة ديالها مكيتشكاوش عكس مؤسسات آخرين تعرفو ومزال كيتعرفو بالفضايح بحال كلية العلوم القانونية والسياسية.