مسؤول إداري فمؤسسة إعلامية بغا "كاطكا".. جابو ليه ميرسيديس آخر موديل معجباتوش في الوقت لي الصحافيين ديال المؤسسة كيتخلصو فيه غير بزز

مسؤول إداري في مؤسسة إعلامية كبيرة فات رؤساء الجماعات. المعني بالأمر رفض سيارة ميرسيديس فاخرة (آخر موديل)، اقتنتها له المؤسسة الإعلامية وطلب منهم يشيرو ليه "كاط كاط".

هاد المسؤول لي باينة وقيلة عندو لعكابي بزاف في الطريق داكشي علاش بغا سيارة رباعية الدفع باش يوصل ضغيا، جا بسالير محترم، حسب ما أكدته مصادر متطابقة ل "كود"، في وقت المؤسسة كتعاني من أزمة مالية خانقة، كادت أن تكون سببا في حرمان الصحافيين أجورهم، في أحد شهور السنة الجارية.

إيوة لي عطا لهاد المسؤول لي مقناعش بحال زميلته لي خدات ميرسيديس كوبي آخر فاخرة وضربت الطم، يعطي للصحافيين ديال هاديك المؤسسة لي أعوام متزادهم حتى ريال والأمراض مزمنة والحاجة كتنهش أجسادهم بلا ميديها فيهم حتى واحد.