بعد ما سبونا بزاف جيراننا: وريطة غدا عندهم فالعاصمة الجزائر. ها اش غادي يدير وها اش غادي ينتاقش

علمت "كود" ان وزير الخارجية والتعاون ناصر بوريطة سيحل يوم غد الاحد 21 يناير 2018 بالعاصمة الجزائرية. زيارة مثيرة وغريبة حقاش جاب بعد هجومات كبيرة دارها سواء وزير الخارجية الجزائري لمساهل او غيره من قادة الجزائر ضد المغرب ضد شركاته.
بوريطة ما غاديش فزيارة رسمية بل للمشاركة في اجتماع "حوار 5 زائد" اي دول مجموعة غرب البحر الابيض المتوسط من ضفتيه الشمالية والجنوبية. دابا هاد الاجتماع غادي يكون فالجزائر والمغرب اكد مشاركتو وفق مصدر "كود".
الاجتماع اختار "المتوسط الشرقي: تشجيع التنمية الاقتصادية والاجتماعية المندمجة والمشتركة والمستدامة في مواجهة التحديات المشتركة في المنطقة" عنوان لهاد اللقاء.
بوريطة بحال وزراء خارجية اسبانيا وفرنسا وايطاليا والبرتغال ومالطا وليبيا وتونس وموريتاينا غاديين يوصلو فالصباح وافتتاح غادي يكون فالصباح ويسالي مع شي الجوج ونص.
وحسب برنامج الاجتماع غادي يتم مناقشة: التنمية الاقتصادية والاجتماعية المندمجة والمشتركة. الشباب والشغل. الهجرة والتنمية. التنمية المستدامة" بعدها غادية تكون ندوة ثانية حول "الارهاب ومحاربة التطرف وليبيا والساحل وسوريا والعراق والشرق الاروسط"
ويسالي هاد الشي بندوة صحافية وكل واحد يرجع لبلادو