اتحاد لشكر.. القوالب والكذوب: باغي يصيفط مساج بأنه غايجيب كفاءات والمغاربة عارفين بلي كاع لي تعينو ف مؤسسات دستورية والحكومة زادو قفروها على البلاد

فيلم جديد كيمثل فيه إدريس لشكر، الكاتب الأول لحزب الاتحاد الاشتراكي، ولي معروف عليه كيعرف يدير رقصات الديك المذبوح، هاد الفيلم كيدور على “الكفاءات ف التعديل الحكومي”.
لشكر، لي كيهرب ديما يتواجه مع الاتحاديين الصحاح، خصوصا اتحاديين باغين الاصلاح الحقيقي لي فتيار المرحوم الزايد، ولي مباغينش يتحالفو معها ولا يتصالحو معه الى يومنا هذا بسبب “التقوليب لي كيدير والتنوعير السياسي لي فيه” وفق مصدر “كود”، اليوم دار رسالة سماها “بنك المعطيات: الحرص والمعطيات”.
دبا شكون غادي يثيق واحد تسبب ف بلوكاج وضيع على البلاد فرصة مهمة باش يكون انتقال ديمقراطي سلسل بطريقة مغربية واخا كان عبد الاله بنكيران هو لي متزعم هاد التجربة، وثانيا اشمن كفاءات جاب لشكر لي هو مدافع ومحامي صاحبو عليوة لي متورط ف قضايا فساد ديال سي دي جي، ولي الملف باقي مفتوح وممكن جدا يتعاود يتفتح مع هاد نقاش ديال محاسبة المسؤولين.
كيقول الاتحاد الاشتراكي، ف رسالة لي دارو ف الموقع الالكتروني للحزب :”سبق لقيادة السياسية للاتحاد الاشتراكي للقوات الشعبية أن وجهت رسالة إلى كافة أعضاء المجلس الوطني، والمسؤولين الوطنيين الحزبيين، حددت هدفها في تغذية بنك المعلومات الحزبي، بمعطيات بشرية -علمية جديدة، حول الكفاءات المنتمية لمجالها الترابي أو المهني”
وتابعت الرسالة :”من نافل القول إن هذه المبادرة، اندرجت في إطار التفاعل المباشر والجدي مع مضامين الخطاب الملكي، في عيد العرش، حول توفير الكفاءات التي تكون قادرة علي مسايرة المرحلة الجديدة التي أعلنها الملك، ضمن التعديلات المصاحبة لها، في المناصب الإدارية والحكومية وغيرها”.
وزاد :” فإن التأطير الوحيد الذي يمكن أن يكون لهذه العملية، في المبنى والمعنى، هو القائم على ركيزتين اثنتين لا غير: القيم والقواعد المنظمة للعلاقة بين الاتحاديين وحزبهم وقيادتهم، وتوخي المسؤولية في ذلك، واستحضار الهدف الأسمى الذي يريده جلالة الملك من العملية والحرص الوطني عليه”.
“دبا كولشي متفق بأن الاتحاد الاشتراكي مطحون ومهلوك بسبب لشكر، لي قبر تجربة اليوسفي وشوه بتاريخ مناضلين وشهداء كافحو باش يكون هاد المغرب مغرب الحرية والديمقراطية والتعددية، وبالتالي لشكر معمرو يعطي دروس ف الاخلاق والقيم لأنه اول واحد ذبح هاد القيم والاخلاق ف التنظيم الحزبي قبل مايزيد يخربها فاش دخل للحكومة بطريقة مذلة عن طريق التحالف الرباعي وتحت حماية الأحرار”.
والغريب أن هادو لي تعينو ف الحكومة ديال بنعرفة، تا حد فيهم ماحمر الوجه، حصيلتهم باينا وخدمتهم ناقصا، وفق مصدر حكومي، ناهيك عن فضيحة الساعة الإضافية لي كذبو فيها على المغاربة بخصوص الدراسة.
أما ف المؤسسات الدستورية، امنة بوعياش، جات باش تبيض وجه الدولة ف ملف الريف وتواجه الاسلاميين وتقحم مؤسسة المجلس الوطني لحقوق ف قضية حامي الدين، بحال بحال الاتحادي شوقي بنيوب لي دار تقرير مكفس على أحداث الحسيمة وتا الحكومة متسوقات ليه.
مسؤول حكومي سبق قال ل”كود” :” بان بوعياش مستواها الحقوقي والقانوني ضعيف بزاف ومتستحقش داك المنصب وسبقات ليها دخلات ف مشاكل مع مسؤولين حكوميين”.
أما رضا الشامي، رئيس المجلس الاقتصادي والبيئي والاجتماعي، شد داك المنصب وضربها بالصمت، لي تا هو اتحادي، غبر هو خرجاتو الاعلامية، ولي كيتعتبر منافس للشكر.
الشامي، عرض على شي صحافيين ف رمضان وهضر معهم وقاليهم متخرجوش الهضرة، وعلاش اصلا عيطليهم الى مكانوش غاتعطيهم معطيات.