واش التعليم الأولي بالفلوس و لا فابور.. وعلاش مشروع تعميم التعليم الاولي حكر المربيات اللي الاجور ديالهم مكتفوتش 1600 درهم

رفض مستشارون بمجلس عمالة سلا، فرض الأداء على المستفيدين من برنامج التعليم الأولي، المدعوم من طرف المجلس عبر آلية الشراكة.
هاذ الشي وقع حيث شي جمعيات كيفرضو على آباء التلاميذ ديال 4 و 5 سنوات المسجلين فالتعليم الاولي يخلصوا، واخا مجلس عمالة سلا مجهز الاقسام، وكيعطي منحة لشي جمعيات، إلا أن هاذ الاخيرة وبمبررات شتى كدافع على استخلاص واجبات مساهمة كتراوح بين 60 و 100 درهم.
وتطرق أعضاء المجلس في آخر اجتماع خصص لتقييم التعليم الأولي، صباح الثلاثاء الماضي، إلى ضرورة الحفاظ على المجانية، ورفع عدد المستفيدين وتعميم التعليم الأولي، خاصة بالعالم القروي.
كما شكل تحسين ظروف عمل المربيات، لا سيما الجانب المادي، جانبا هاما من النقاش الذي استحضر أن هاذ الورش الملكي، خاصو اليقظة باش ميتستغلش لاهداف غير تربوية.
الاجتماع اللي احتاضنو مقر مجلس عمالة سلا كشف أن عدد المستفدين هو 687 و كيقراو ف 24 قسم، وكتأطرهم 31 مربية برسم الموسم الدراسي الحالي.
الخلاصة من هاذ الشي هو أن من بين آلاف التلاميذ فمدينة بحال سلا مليونية يلاه وصلت التغطية لقرابة 700 تلميذ. كما أن قضية المجانية لم تحسم وهي ليست مطروحة غي فسلا بل حتى الخميسات و تمارة، وهي أقاليم تابعة للجهة، ولمن يبدو أن الجهات الوصية ترفع يدها بمجرد إبرام الشراكات و التبنديق و الصور و الاشهار و كترجع اللور.
تطوير التعليم الاولي مرتبط كذلك بوضعية المربيات المادية والاعتبارية، واش وحدة كنعطيوها 1600 درهم ممكن نراهنو عليها تعطينا منتوج مزيان. علاش استاذة كتقري
الابتدائي كتبدا ب 5 آلاف درهم، ووحدة كتقري الاولي كشتد قل منها ثلاث مرات.
علما ان مربية التعليم الاولي هيا اللي كتوجد تلامذ الابتدائي، يلا زدنا على هاذ الشي تدخل الجمعيات و الاستغلال المختلف لهذا الورش، كنلقاو بزاف ديال الاشكاليات فورش التعليم الاولي.