وزير غضب عليه محمد السادس وكرمو كمال لحلو دار تدوينة كيكذب فيها. لجنة بنموسى تلاقات مع سفرا كثار. شوفو كيفاش ردات سفارة واشنطن وكيفاش درات سفارة باريس على نفس اللقاء

لجنة بنموسى تلاقات مع سفرا كثار. شوفو كيفاش ردات سفارة واشنطن وكيفاش درات سفارة باريس على نفس اللقاء
كيفاش واحد بصاح كان وزير السياحة فحكومة بنكيران وكيكذب. سيدنا اللي عاق بيه وطردو شر طردة ومنع عليه ياخد شي منصب. كنهدرو على لحسن حداد.
هاد السيد اللي قلبها من الحركة الشعبية ومشى لحزب الاستقلال عزيز عليه يتكلم فالجنس عند الناموس حتى الذكاء الاصطناعي. هاد المتهم باللي هو اللي كان وراء ابراهيم الحركي اللي سب وشوه وشهر بعدد من السياسيين٬ دار تدوينة علي هاد الشي اللي دارتو سفيرة فرانسا بالمغرب بعد لقاءها بشكيب بنموسى. قال فيه حرفيا "علاش غاديين نحتاجو دعم فرانسا فقضية كتهم لمغاربة. فرانسا بلد صديق ولكن نتشاورو معاها فقضية داخلية... هاد الشي ما فهمتوش". وكون فهمتيه كون بقيتي وزير. كون ما غضبش عليك سيدنا يا المتذاكي.
هادي لجنة دارها الملك. اش حرگ شطاطتك.
لعلمك يا الوزير اللي غضب عليه الملك محمد السادس ورضى عليه كمال لحلو وخلاه محلل فاذاعتو. راه بنموسى ما قالهاش ليك. راه تلاقى مع وحدين خراين بلا علمك.
لجنة بنموسى او اللجنة الخاصة بالنموذج التنموي الجديد تلاقات مع مؤسسات دولية مع سفراء دول اجنبية بالمغرب قبل اللقاء مع سفيرة فرانسا فالرباط ايلين دوگال واللي دارت تدوينة فشي شكل.
قبل هاد التاريخ راه اللجنة تلاقات يوم 23 ابريل تلاقات مع سفارة اميريكا. غير الميريكان معلمين دارو تدوينة حتى هما فتويتر. داروها باسم السفارة وفيها " "تحدث فيشر=سفير امريكا بالمغرب= مع رئيس لجنة النموذج التنموي شكيب بنموسى واكد على استمرارية الارتباط الامريكي بتشجيع ومساعدة البرامج التي تهدف الى تنمية الاقتصاد وخلق فرص الشعل عند الشباب وتحسين التعليم. كل ما يكون له وقع ايجابي على الشعب المغربي كافة".
هاد اللقاء كان فزمن الحجر ودار بفيزيوكونفيرونس.
والبارح الجمعة 5 يونيو 2020 كان لقاء دار عن بعد مع سفيرة فرانسا بالمغرب ايلين دوگال وبنفس التقنية. غير هي دارت تدوينة خربقات كلشي. كتبات "كنشكر شكيب بنموسى رئيس لجنة النموذج التنموي وسفير المغرب بباريس للي قدم لي هاد الصباح تقريرا على فين وصل عمل اللجنة ». هاد الجملة نوضات الصداع.
دابا شوفو كيفاش تعامل سفير امريكا وشوف كيف تعاملات سفيرة فرانسا.
المشكلة فامثال هاد السياسيين الشعبويين امثال حداد