انتخابات جزئية بطعم "الأعيان" ..الاستقلال بقيادة نزار بركة طار للحسيمة يدعم واحد من الأعيان ديالو مضيان لي باغي يجي اللول

علمت "كود" أن قيادة حزب الاستقلال مشات اليوم للحسيمة، باش دعم مرشحها نور الدين مضيان، في الانتخابات الجزئية لي غاتكون نهار 21 يوليوز الجاري، المنافسة غاتكون ساخنة على أربعة مقاعد بعدما طيحاتهم المحكمة الدستورية.
وحسب مصدر "گود" فإن الوفد الاستقلالي يقوده الأمين العام نزار بركة، ويتكون من برلمانيين وأعضاء المكتب السياسي، باش يدعمو مضيان.
الانتخابات بالنسبة لمضيان حاسمة، خصوصا وأنه هو رئيس الفريق البرلماني للحزب فمجلس النواب، إضافة إلى أنه من أعيان الحزب فالريف.
مضيان كان جاب الرتبة الأولى بفارق مريح مع الرتبة الثانية. لكن هاد المرة الظروف تبدلات بحيث هاد الانتخابات الجزئية تتميز بنسبة المشاركة ضعيفة، إضافة إلى تزامنها هذه المرة مع العطلة الصيفية.
الحسيمة، منبع حراك الريف، غايرجعو نفس اللاعبين القدام للمنافسة، اعيان واثرياء وصحاب العقار وو ، طبعا غايعاودوها يلا مكانتش شي مفاجأة، ويتعلق الامر بكل من نور الدين مضيان القيادي الاستقلالي، محمد حموتي القيادي البامي، محمد الاعرج القيادي فالحركة الشعبية، بوطاهر بوطاهري عن الاحرار، ونبيل الاندلسي عن الحسيمة.
الكفة غادا لصالح الاعيان التقليديين، وصحاب الشكارة.
الحزب لي غايزيد ياكل الدق فهاد الانتخابات، حسب قيادي منهم هضر مع "گود" ، هو البي جي دي لي جظوظو شبه منعدمة.
هادي اول انتخابات جزئية في عهد بنكيران، وكيطرح السؤال واش غايرجع لسابق عهده ويدير مهرجانات حاشدة، أم لعنة 8 شتنبر والعطلة الصيفية غاتزيد تأزمو من وضعيتو؟.