من بعدما تأهل.. الفرنسي مبابي جا هو الدبوز يشجعو حكيمي والمغاربة باش يربحو إسبانيا

زار كل من الكوميدي المغربي جمال الدبوز والدولي الفرنسي كيليان مبابي بعثة المنتخب الوطني المغربي بالعاصمة القطرية الدوحة قبل من ماتش ليكيب ناسيونال ضد إسبانيا غدا الثلاثاء فثمن نهائي كأس العالم قطر 2022.
وحضر كل من جمال الدبوز وكيليان مبابي لفندق المنتخب الوطني المغربي باش يزورو اللعابا ويشجعهوهم قبل ماتش غدا ضد إسبانيا، ويحفزوهم على الرباح ويتأهلو لربع نهائي كاس العالم.
للإشارة فالدولي الفرنسي كيليان مبابي صديق مقرب بزاف للدولي المغربي أشرف حكيمي وعزيز عليه، وهادشي ملي بدا كيلعب حكيمي معه فباريس سان جيرمان.
وكان كيليان مبابي تألق البارح فماتش فرنسا وبولونيا ربح منتخب بلادو إلى ربع نهائي كأس العالم، فحالة تأهل المغرب وقدر يوصل لنصف النهائي هو وفرنسا راه غادي يتلقاو فهاد الدور وغادي تكون مواجهة ما بين الصحاب أشرف حكيمي كيليان مبابي.