كنازة أم المنصوري الوزيرة. غاب وهبي وحضر الهمة. كيفاش گنازة كتولي دعم لتيار ضد تيار

حضر كبار المسؤولين فالدولة، على رأسهم فؤاد علي الهمة، المستشار الملكي، لموكب، جنازة والدة الوزيرة و عمدة مراكش فاطمة الزهراء المنصوري، من مقر إقامتها في منطقة النخيل بمراكش، صوب مسجد سيدي بنسليمان الجزولي فاش كانت صلاة الجنازة.
الهمة جا للدار وفق مصدر ل"كود"
الجنازة المهيبة لي حضر فيها رئيس الحكومة عزيز اخنوش وزعماء احزاب ووزراء، وغاب عليها امين عام البام الحالي عبد اللطيف وهبي (=عندو استقبال هاد الصباح لوفد من مسؤولي العدل فالسعودية).
حضور الهمة، عطا لهاد الجنازة معنى سياسي، فسياق كيعرف فيه البام صراع داخلي وسوء الفهم بين تيار وهبي وتيار مراكش بيقادة المنصوري.
الهمة واحد من مؤسسي البام للي جاب فكرة الاصالة والمعاصرة، والمشروع الحداثي لحزب عاش هزات سياسية وتنظيمية منذ ولادته.
المنصوري فالخرجة الاعلامية الاخيرة ديالها نهار 31 يناير 20223، رجعات لهاد المصطلح ديال المشروع، وعبرات عن طموحاتها الكبيرة باش تكون قائدة للمشروع (هنا ما مقصداتش واش تكون رئيسة الحكومة ف2026 ولا غاتكون فقط امينة عامة للحزب).