ها شكون راجل لوزيرة مزور. طبيب عيون مهووس بصورتو: عزيز عليه يبان وتكتب عليه الصحافة

الوزيرة المنتدبة لدى رئيس الحكومة مكلفة بالانتقال الرقمي واصلاح الادارة غيثة مزور كتوجد لزواجها. هاد الشي كنا كتبنا عليه ف"كود". هاد لوزيرة غادية تزوج طبيب عيون فكازا كان دوز تجربة زواج قبل وعندو جوج ولاد.
يتعلق الامر وفق مصادر "كود" بالدكتور محمد الشهبي اللي عندو كلينيك ديال العين فكازا. راجل الوزيرة المستقبلي عزيز عليه يبان فالصحافة٬ حتى جرب حظو فالاذاعة كاع. عندو شبكة كبيرة ديال صحافيين كيتكتبو عليه ويمجدوه ويشكروه. يمكن بوحدو فهاد المهنة ايلى حتى ايلى مرضت يكتبو عليه. كيموت على صورتو وعلى نشر اخبارو. مرض ولى خبار. دار عملية لماماه ولى خبر. شرا ماكينة دالعينين ولى خبر. مشى للحج هايك كلاص ولى خبر. شرا فيرما ودخل فقضية مع شي حد من بوفتاس ولى خبر. ماكينة كتاتبية عندو وصافي.
هادا هو الطبيب باش تكتب عليه خبار باللي كان موضوع تقرير فالديوان الملكي على عملية وقعات فالسينغال وحضرها رئيس الدولة ومن بعد مشى دار عملية غطاها بالانسانية فبنجرير٬ يعطيو عليه الصحافيين اللي معاك فالحرفة باش يقولو ليك: مالك مع الدكتور. راه راجل مزيان. غريب امر هاد الدكتور