مصدر رجاوي ل "گود": الرجاء ممنوعين من الميركاتو الشتوي بسبب لاعب عمرو لعب ماتش واحد

ممنوعين الرجاء الرياضي من الانتدابات خلال الانتقالات الشتوية للي جايا، وإذا يكونفوكيو الصفقات الجديدة فالميركاتو خاصهم يفكو الجرة مع واحد اللاعب ما لعب حتى ماتش واحد مع الفريق.
وكشف مصدر من داخل الرجاء الرياضي ل"گود"، أن النادي ممنوع من انتداب لاعبين خلال الميركاتو المقبل، ووضح أن السبب هو حكم نهائي صادر ضد الفريق من طرف المحكمة الرياضية الدولية.
وكشف نفس المصدر، أن الأمر كيتعلق بلاعب ما عمرو لعب شي ماتش مع الرجاء الرياضي والاسم ديالو عمر العمراني، كان جا من إسبانيا للخضرا فعهد الرئيس الأسبق رشيد الأندلسي، فصفقة انتقال حر.
وحسب ذات المصدر، فالرجاء الرياضي خاصهم يخلصو 300 مليون سنتيم قيمة الحكم النهائي الصادر من طرف الطاس لمصلحة اللاعب المذكور هو والفريق اللي تكون فيه فإسبانيا، إذا بغاو الخضرا يكونفوكيو الصفقة الجديدة فالميركاتو الشتوي الجاي.