الصنهاجي بان عريان ففيديو و من بعد؟ بعيدا عن ديك الطهرانية و الفضيلة المزيفة لي ديما كايحاولو شي ناس يتعناو بيها، لي خاص يفهم الهايش مايش اليوم أنه يتصور عريان و لا حفيان حياتو الخاصة هاديك ! ينيك، يشرب، يلعب، يتعرا شغلو هاداك و حياتو الخاصة و تا واحد ماعندو الحق يدير راسو إلاه و لا قاضي عليه! المشكلة الحقيقية لي عند الصنهاجي اليوم و لي يمكن يتعرض ليها أي واحد سوا مشهور سوا مامشهورش هي الشونطاج لي ولا ساهل ماهل ! الشونطاج لي ولا حرفة من لا حرفة له ! لي بغا يدير لاباس كايصور شي قاصرة عريانة و يبدا يبتز فيها و فواليديها ! و القحبة لي بغات دير لاباس كاتصور الكليان ديالها عريان و كاتبتزو بالشوهة و الضحايا ديال الابتزاز كاينين اليوم فالمغرب بالمئات بل بالآلاف و ماشي غير الصنهاجي بوحدو، التيليفونات و الانترنيت سهلو هادشي و خلقو مافيا جديدة و مجرمين جداد. و فالعالم كامل ماشي غي المغرب مشاهير بزاف تعرضو لجرائم ديال الابتزاز، المجرمين قدرو بشكل أو بآخر يوصلو لتصاورهم و لا فيديوهاتهم و لا يبيراطيو ليهم بيسياتهم، حيت فاش كاتكون مشهور الأثر كايكون مدمر، بعرور لاتشوه فكازا كايهز الرحيل و كايمشي يسكن فآسفي و بعرورة لاتشوهات فالخميسات كاتعيط على هوندا تجمع فيها السدادر و كاتمشي تسكن فمراكش… و لكن فاش كاتكون مشهور و العالم كلو كايعرفك التقصيحة ديالك كاتكون اكثر. و المجرم عارفك غاتخلص كثر. الضحايا ديال الابتزاز نورمالمو خاصهم لي يدعمهم و يعاونهم ماشي لي يهبط عليهم و يزيد يطحنهم حيت ماحيلتهم لهاداك لي كايدير ليهم الشونطاج ! و لا للبوليس و لا للمجتمع خصوصا لاكان مجتمع فحال ديالنا و لا للأسرة ديالهم و لي خاص ماهي و ما لونها باش تفسر ليهم و يفهمو. اليوم سعيد الصنهاجي هو لي كايستحق التضامن ديال الناس و ديال دوك الفنانة لي فرعو لينا راسنا بكلنا_سعد_المجرد، الصنهاجي يستحق التضامن ديال عائلتو هي لولا و ديال مراتو و ولادو ، و أنا رسالتي لديك المرا و دوك الولاد هي يحتارمو داك السيد لي صنع راسو من والو، من روسوفور فالطوبيس و عامل فوزين الصباط قدر يصنع راسو سمية فالفن الشعبي و يولي فنان كبير عندو محبين و جمهور و لي كايبان من الفيديوات ديالو الجداد و القدام كايموت على عائلتو و ولادو. الصنهاجي هو مثال للراجل لي صنع راسو بيديه، و لي تقاتل باش يطلع و يعيش حياة. اليوم هوا ضحية! ضحية ديال جريمة لي كايتعرضو ليها مئات الناس عبر العالم و لي المجتمع كاتحتاقرها بزاف و ماكاتشوفش الأثر ديالها، حيت الجريمة لي مافيهاش الدم و الجناوا ماكايشوفوهاش الناس جريمة ديال بصح، و القوادة ديال بصح هوا تكون ضحية ديال الابتزاز و عايش وسط مجتمع بدائي بنادم مريض فيه بالنفاق و عزيز عليه يعيش واحد الطهرانية مزيفة. الصنهاجي ضحية و الضحية لامالقيتي باش تعاونها ! عاونها بالسكات الله يرحم الواليدين.
