هاد حملة المقاطعة ولات تهديد والدولة كتفرج. شخص كيهدد طاكسيات كازا على عينك ابنعدي

هاد الحملة ديال المقاطعة اللي مستهدفة 3 شركات دون غيرها وبدات فالفايس غريبة عجيبة. خرج فيديو مصورو شخص كيدور وكيهدد “ما تبقاش دير المازوط ف… ولا شريتي ما …. =طبعا كيذكر الماركة= غاديين نفشو لدين مك الروايض.
السيد دار عند طاكسيات كثيرة كيستعمل نفس الاسلوب نفس اللغة نفس التهديد. الفيديو تسجل البارح وسط الدار البيضاء. يعني بالتزامن مع انطلاق هاد الحملة فالفايس.
دابا واحد كيهدد بحال هاكا فبلاصة فيها الدولة بكاع اجهزتها وما دارو معاه حد. شوفو فين وصلنا.
من حق اللي باغي يدير المقاطعة يديرها يسوقها ليها كاين قانون يتبعو ودير اللي بغى. والسلطة خاصها تتدخل وتشوف وتبع كيفاش ما تفتحش تحقيق مع هاد المهدد.
السؤال كيفاش كيقاطعو غير الشركات المغربية =الغازوال والما= وما كيقاطعوش شركات اجنبية ماشي مغربية. القضية ماشي وراها اسلاميين او يساريين راديكاليين القضية ممكن يكونو وراها منافسين لهاد الشركات حقاش اي جريمة او قضية خاص نشوفو شكون اللي رابح منها. اللي رابح من هاد الشي دابا هما الشركات المنافسة