فاتت 98 ألف تأشيرة فالطوطال.. المغرب أكثر بلاد خدات الفيزات لفرنسا ف2020

احتل المغرب المركز اللول فقائمة أكثر البلدان اللي خداو الفيزا لفرانسا فعام 2020، بمجموع 98 ألف و627 فيزا.
وهذ العدد جا منخفض بالمقارنة مع 346 ألف و32 فيزا خداها ف2019، واخا كان جا فالمرتبة الرابعة بعد الشينوا وروسيا وبريطانيا، لكن واخا انخفضو عدد التاشيرات فهذشي ساري على كلشي فهذ العام اللي عرف انتشار جايحة فيروس كورونا المستجد.
وحسب إحصاءات مؤقتة دمديرية الأجانب التابعة لوزارة الداخلية الفرنسية، فهذ العام، روسيا جات فالمركز الثاني بعد المغرب ب78 ألف و701 فيزا، والجزائر فالمركز الثالث ب73 الف و276 فيزا، والشينوا فالمركز الرابع ب71 ألف و451 فيزا، فالوقت اللي ف2019 جات هذ الأخيرة فالمركز الأول ب757 ألف و500 فيزا فالمجموع.
وفرنسا عطات هذ العام اللي فات د2020غير 712 ألف و311 فيزا هذ العام، مقابل 3 مليون و534 الف و999 فيزا عطاتها العام اللي فات.
من جهة خرى، المجموع ديال عدد الفيزات اللي تطلبو لفرنسا كانو 870 ألف و318 فيزا ف2020، مقابل 4 مليون و290 ألف و482 فيزا ف2019، اي بانخفاض ديال 79,7 فالمية.