شوفو الوطنية كيف كيفهموها رباعة "عبيد" اللي عطاتهم "دوزيم" فين يتبوردو. طبيب كي المنشار واكل مع مستشهر ومع الرباعة وكيحل فمو

مواطن ما كيعجبوش التفاهة اللي كيقدمو رباعة "عبيد" ف"دوزيم" باسم "الفرقة" وما فهمتش كيفاش مسافرين فابور لاستراليا باش يحطو داك المنتوج الغبي. هاد المواطن دار تعليق فصفحة الطبيب عبيد اللي واحد منهم وفيه باللي "الوطنية هي تمشي بفلوسك باش تشجع بلادك ماشي مخلصين عليك وتجي تفهم علينا التشجيع او الوطنية". كلام منطقي ماشي ايلى لبستي بحال شي كلون توني المنتخب وشي حاجة فيها راية كبيرة ونقزتي فالتيران باش تصور وبينتي باللي ما عمرك دخلتي تتفرج فالماتشات٬ راه وطني يا السي الطبيب.
هاد الطبيب رد عليه برد كيبين معدنو الحقيقي. قال ليه "باش توصل انك اخلصو عليك. خاسك تكون داير شي حاجا فالحياة ا الوطنية فالقلب". يعني هادا كيعتاقد انو دار شي حاجة فحياتو والنتيجة ولى كلون كيلعب مهرج كيشطح فاستراليا.
انت يا السي الطبيب مخلص عليك سبونسور ما لقى ما يدير٬ وراسك. عطاك كونسيبت وفيه شي اسئلة وانت خديتي داك الكونسيبت ونقلتيه ل"الفرقة". يمكن فدماغ امثالك هاد الشي عادي.
انت يا السي الطبيب جاي فابور ورابح مع السبونسور ديالك ومع الشركة اللي نتجات هاديك التفاهة اللي دايرة قيامة ف"دوزيم" وخارجها.
امثالك خاصهم يحشمو يهدرو ماشي غير يردو على كلام مواطن. طارق اللي جا من اللوكسمبورك وقطع 25 ساعة باش يشوف ماتش المغرب ضد المانيا بفلوسو٬ هاداك مشجع كرة حقيقي اولا وعزيز عليه الدرابو دبلادو ثانيا. ما كنكولش ليك انت ما عزيزش عليك بلادك٬ ابدا٬ كنقول ان فهمك للوطنية غبي بزاف بزاف.
اما ديك العبارة اللي كلها تعالي "بالمهنة ديالي كطبيب نخلص عليك انت وعائلتك ولا بغيتي مرحبا" كلها كذوب وانت عارفها. راه قلنا ليك انت مخلصين عليك جوج فهاد التخربيقة ديال استراليا. گاليك بالمهنة ديالي.